Менделеевск яңалыклары
  • Рус Тат
  • Яшь “хәрбиләрнең” парад-смотры

    Бөек Җиңүнең 70 еллыгына әзерләнү кысаларында 2 нче "Әкият" бакчасында җыр һәм сафка тезелү смотры узды, анда өлкән һәм мәктәпкә әзерлек төркеме балалары катнашты. - Бүген безнең балаларның дебюты. Конкурска педагогик коллектив күмәкләшеп әзерләнде, - ди өлкән тәрбияче Алсу Шахвердян. Чакыру сигналы яңгырый, һәм көн геройлары тантаналы төстә моряк һәм...

    Бөек Җиңүнең 70 еллыгына әзерләнү кысаларында 2 нче "Әкият" бакчасында җыр һәм сафка тезелү смотры узды, анда өлкән һәм мәктәпкә әзерлек төркеме балалары катнашты.
    - Бүген безнең балаларның дебюты. Конкурска педагогик коллектив күмәкләшеп әзерләнде, - ди өлкән тәрбияче Алсу Шахвердян.
    Чакыру сигналы яңгырый, һәм көн геройлары тантаналы төстә моряк һәм чик сакчыларының парад формасында импровизацияләнгән плацта атлыйлар.
    Хәрби комиссар Дамир Вәлиев: "Тигезлән! Үрә кат!" - дип команда бирә.
    "Тәвәккәл юнгалар" һәм "Бөркеткәйләр" отрядлары командирлары Рената Асанова һәм Арина Чугунова рапорт бирделәр.
    Әти-әниләр, әби-бабайлар горурлык хисе белән балаларның сафта атлавын, командаларны төгәл, биремнәрне җитди үтәүләрен күзәтәләр. Ә инде балалар башкаруында сугыш чоры җырлары яңгырый башлагач, күпләрнең күзләре яшьләнде.
    Нәтиҗәдә дуслык җиңде. Хәрби комиссар Дамир Вәлиев балаларга беренче дәрәҗә дипломнар һәм татлы призлар тапшырды.
    Мәктәпкә әзерләнүче Богдан Щербаков һәм Әфганстандагы хәрби хәрәкәтләрдә катнашкан ветеран Рамил Дәүләтшин җиңүчеләр хөрмәтенә музыкаль сәлам юлладылар, "Патриот" клубы шәкертләре күрсәтмә чыгышлар тәкъдим иттеләр.
    Мөдир Галина Легошина җитәкчелегендәге педколлективка яшь буынны патриотик рухта тәрбияләве өчен район хәрби комиссариатының грамотасы тапшырылды.
    "Бердәм Россия" партиясеннән Дәүләт Советы депутаты ярдәмчесе Рөстәм Гафаров тантана геройларына җылы котлау сүзләре әйтте:
    - 2 нче балалар бакчасы - күп күрсәткечләр буенча лидер, берничә мәртәбә республика конкурсларында һәм грант программарында җиңүче, - диде ул.
    "Бердәм Россия" партиясенең җирле бүлекчәсе башкарма комитеты җитәкчесе Клавдия Смирнова һәм чараның иганәчесе - "Спецстрой" предприятиесе директоры Геннадий Парамонов балаларга өстәл уеннары һәм татлы бүләкләр тапшырдылар.
    - Көндәлек тырыш хезмәтләре өчен тәрбиячеләргә, чараны алып барган Рәзилә Хәсәнова һәм Ирина Йосыповага рәхмәт. Сезгә сәламәтлек һәм эшегездә уңышлар телибез, - диде әти-әниләр исеменнән Пётр Сошников.
    Мөдир Галина Легошина бәйрәмне оештыруда булышулары өчен әти-әниләргә рәхмәт белдерде.
    - Сезнең кулларыгыз белән тегелгән костюмнарда балалар бүген күз алмаслык балкыдылар, - дип ассызыклады Галина Николаевна һәм җыр һәм стройда атлау смотрының бакчада традициягә керәчәгенә ышандырды.

    Лариса Кривилёва

    Рәис Сәхапов фотолары

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: