Менделеевск яңалыклары

Менделеевск районы

18+
Рус Тат
2024 - год Семьи
Мәгариф

Әзерлек сыйфатлы

Һәр елны уку елы башланыр алдыннан махсус комиссия мәгариф учреждениеләренең әзерлек дәрәҗәсен тикшерә. Турай мәктәбе заман тибында төзелгән, ике катлы. 14 укытучы 55 балага белем һәм тәрбия бирә. Укыту буенча директор урынбасары Рафия Миңнеәскәровна әйтүенчә, узган елгы чыгарылышта 12 укучы мәктәпне тәмамлаганга аттестат алган, шуларның өчесе өлгереш сыйфаты буенча медаль...

Һәр елны уку елы башланыр алдыннан махсус комиссия мәгариф учреждениеләренең әзерлек дәрәҗәсен тикшерә.
Турай мәктәбе заман тибында төзелгән, ике катлы. 14 укытучы 55 балага белем һәм тәрбия бирә. Укыту буенча директор урынбасары Рафия Миңнеәскәровна әйтүенчә, узган елгы чыгарылышта 12 укучы мәктәпне тәмамлаганга аттестат алган, шуларның өчесе өлгереш сыйфаты буенча медаль иясе булган. Республика, район һәм мәктәп укучылары арасында фән олимпиадаларында җиңүче, призлы урыннарны яулаучылар - 17 кеше.
Дәүләт йомгаклау аттестациясен һәм Бердәм дәүләт имтиханнарын барлык укучылар да уңышлы тапшырган.
Комиссия тикшерүендә коллективның педагогик эшчәнлек дәрәҗәсе бәяләнә, башка күрсәткечләр дә исәпкә алына. Җәйге ялны, балалар мәшгульлеген оештыру игътибардан читтә калмый. Кышкы каникул көннәрендә - инглиз, ә җәйге каникулда рус телен тирәнтен өйрәнү буенча профильле мәктәп яны лагеры эшләгән. Анда төрле сыйныф укучылары бик теләп йөргән.
Мәктәпне яңа уку елына әзерләүнең нәтиҗәсе куанычлы. Ул мәгариф учреждениесе капкасыннан кергәч тә күренә. Территория чәчәкләргә күмелгән. Калкурак урында кечкенә "сулык", кырында "аккошлар" йөзә. Янәшәдә беренче чыгарылыш укучылары (1997 ел) нигез салган аллеяда чыршылар үсә, чәчәк түтәлләре төрле төсләргә күмелеп, күз явын ала. Эскәмияләр урнаштырылган, ял итү урыны җиһазланган. Мәктәп эчендә дә чисталык, тәртип, яшеллек, бүлмә гөлләре күп. Фән кабинетларын тиешенчә әзерләүгә дә зур әһәмият бирелгән. Шунысы куанычлы, алдагы еллар чыгарылышлары да бу эштән читтә калмаган. Тәрбия эшләре буенча директор урынбасары Венера Нургалиева сөйләвенчә, шәһәр башкарма комитеты җитәкчесе Рафаэль Сабитов, җирле үзидарә Турай авылы җирлеге башлыгы Әлфирә Рәхимова, Рафаэль Гыйльфанов һ.б.лар "Үз мәктәбеңә ярдәм ит" акциясе кысаларында булышлык күрсәткәннәр. Социаль партнерлар - "Ижминводы" курорты (Анатолий Нюхнин), "Ижевский источник" предприятиесе (Салават Низамов) мәктәпне әзерләүгә өлеш керткәннәр.
Белем көне белән башланган яңа уку елында Турай мәктәбе коллективының фән нигезләрен үзләштерүгә тагын да яңа казанышларга ирешүен телибез.
Мәдинә Григорьева
Рәис Сәхапов фотолары

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары Турай

2
X