1 августтан эшләүче пенсионерларга өстәмә түләүләр булачак

Яңадан исәпләү республиканың 256 мең кешесенә кагылачак. Бу хакта Пенсия фонды ТР буенча бүлегенең матбугат хезмәте хәбәр итә.

Август аенда яңадан исәпләү пенсионерның хезмәт хакы күләменә бәйле булачак: ул югарырак булган саен, пенсиягә өстәмә күбрәк. Әмма яңадан исәпләү нәтиҗәсендә максималь арту 2020 ел бәясе буенча исәпләнгән өч пенсия коэффициенты белән чикләнгән, ягъни 279 сум.

Шулай ук 1 августтан тупланма пенсия, вакытлы пенсия түләүләре һәм бер тапкыр түләнә торган түләүләр күләме артачак.