Акробатлар уңышы

16-19 майда Лениногорск шәһәрендә акробатик юлда һәм батутта сикерү буенча республика чемпионаты һәм кубогы булды.
"Химик" спорт сараенда тренер Зәкия Кабирова кул астында бу төр спорт белән шөгыльләнүче балалар призлы урыннар яуладылар. Безнең акробатчылар Казан, Әлмәт, Бөгелмә, Норлат, Тольятти, Яр Чаллының яшь спортчылары белән көч сынашып яхшы нәтиҗә күрсәттеләр. Яшүсмерләр разряды буенча уңышка ирешкән беренче мәктәп укучысы Вадим Климов җиңү пьедесталының беренче баскычына менде. Шул ук уку учреждениесе шәкерте, спорт мастерына кандидат Снежана Колбина өченче урынга чыкты.