Акция нәтиҗәләре

Россия Суд приставлары идарәсе игълан иткән "Кыш бабай килә - алиментыңны түлә" акциясе тәмамланды.
Декабрь ае дәвамында Менделеевск районара суд приставлары бүлеге хезмәткәрләре махсус чаралар уздырды. Аның нәтиҗәләре саннарда чагыла. Бирәчәкләре булган 16 менделеевлының - банк счётына, өч түләмәүченең милегенә арест салынды, 15 бурычлы эзләүгә игълан ителде, ике кешегә РФ Җинаятьләр кодексының 157 нче маддәсе буенча җинаять эше кузгатылды, биш әҗәтленең чит илгә бару мөмкинлеге чикләнде.