Аналар батырлыгы өчен рәхмәт

Әниләр көне - игелек, мәхәббәт, наз бәйрәме. Ә Әфганстанда һәм Чечнядагы хәрби хәрәкәтләрдә сугышчан бурычларын үтәгәндә һәлак булган якташларыбызның әниләре өчен дата һәрвакыт үзенчәлекле.
29 ноябрьдә бу мөлаем ханымнар район башлыгы Игорь Привалов белән җылы очрашуда булдылар.
Игорь Анатольевич җыелганнарга бөек аналар батырлыгы өчен рәхмәт әйтте.
- Сез сугышның һәм кеше кайгысының нәрсә икәнен ишетеп кенә белмисез. Сез терәгегез һәм өметегез булган улларыгызны югалту ачысын кичердегез һәм үзегездә алга таба яшәргә көч таптыгыз, - диде ул.
Залда хөкем сөргән атмосфера чын мәгънәсендә җылы иде. Көн геройлары менделеевлыларның яраткан артистлары Виктор Никифоров, Галина Богданова, Ришат Кәбиров, Рамил Дәүләтшин, Инна Килееваны дулкынланып тыңладылар. Җирле артистларның һәр чыгышы йөрәге хәвефләнеп улын көткән ана мәхәббәтенә багышланды. Мондый очрашулар һәрвакыт күз яшьләре белән уза.
Кунаклар чараның инициаторы - район башлыгына уллары турында истәлекләрне яңартуы, мәдәният идарәсе (П.Миронов), "Юность" РМЙ (Р.Фәрхетдинова), Социаль яклау идарәсе (Ә.Салаватуллина) хезмәткәрләренә очрашуны оештырулары өчен рәхмәт белдерделәр.
Җыелганнар исеменнән Раиса Куршакова аяз күк йөзе теләде, чөнки дөньядагы барлык аналар улларын сугыш өчен түгел, бәхет һәм шатлык өчен үстерәләр.

Лариса Кривилёва