Ат елының беренче сабые

Загс бүлеге мөдире Гөлнара Гудовскаяның узган ел нәтиҗәләре буенча биргән мәгълүматларыннан күренгәнчә, 2013 елда 395 бала туган (2012 елда - 384).
Ат елында беренче туу турында таныклык Лидия белән Илшат Кәшиповлар гаиләсендә дөньяга килгән Ибраһимга бирелде. Хәзер гаиләдә өч малай үсә. Олег Минеев белән Фатыйма Шорина 2014 елда теркәлгән беренче гаилә.
Узган елда гаилә коручылар - 249 пар (2012 елда - 221). Аерылышучылар саны артуы сагайта: 2012 елда 98 гаилә таркалса, 2013 елда - 136. Вафат булучылар узган елда - 384 (2012 елда - 409).