Авыл хуҗалыгының баланс комиссиясе

Анда авыл хуҗалыгы предприятиеләре җитәкчеләре, җаваплы служба вәкилләре катнашты. Очрашу барышында терлекләрне саклау, аларның баш санын арттыру, ит һәм сөт җитештерү, малларны тукландыру һәм көтүлекләрне яңарту мәсьәләләре каралды.

– Авыл хуҗалыгы тармагын үстерү өчен җитәкчеләр белән бергә 2018 елда булган хаталарны һәм җитешсезлекләрне тикшердек, – дип аңлатма бирде авыл хуҗалыгы һәм азык-төлек идарәсе начальнигы Илнур Фарухшин.

Узган елдагы үсемлекчелек һәм терлекчелек тармагындагы эшчәнлекне анализлау киләчәктә нинди юнәлешләрдә эшләргә кирәклеген күрсәтте. Ит һәм сөт җитештерүне, мөгезле эре терлекләрнең баш санын арттыру буенча бурычлар билгеләнде. Һәр фермада осеменаторлар булырга тиешлеге ассызыкланды. Шулай ук савым сыерларының саулыгы, профилактик һәм сәламәтләндерү чараларын үткәрү мәсьәләләре дә җитәкчелек контролендә.