Менделеевск яңалыклары
  • Рус Тат
  • Азия кухнясының күптөрлелеге

    Якшәмбе көнне Азия кухнясы фестивалендә катнашучылар бу гадәти булмаган бәйрәм кәефен тулысынча тоя алдылар. Аны "Аммоний" масштаблы химия комплексын төзүгә җәлеп ителгән Sojitz корпорациясе (Соджитц корпорейшн) оештырды. - Без Россия культурасына сокланабыз, безнең дә рус коллегаларыбыз һәм кунаклар белән бүлешердәй бик күп кызыклы традицияләребез бар, - диде япон компаниясенең төзелеш...

    Якшәмбе көнне Азия кухнясы фестивалендә катнашучылар бу гадәти булмаган бәйрәм кәефен тулысынча тоя алдылар.
    Аны "Аммоний" масштаблы химия комплексын төзүгә җәлеп ителгән Sojitz корпорациясе (Соджитц корпорейшн) оештырды.
    - Без Россия культурасына сокланабыз, безнең дә рус коллегаларыбыз һәм кунаклар белән бүлешердәй бик күп кызыклы традицияләребез бар, - диде япон компаниясенең төзелеш мәйданчыгы җитәкчесе Инокучи әфәнде, җыелганнарны сәламләп.
    Кытай корпорациясеннән төзелеш җитәкчесе Хайян Лун әфәнде чыгыш ясады:
    - Соңгы көннәрдә яңгыр яуды, сез безгә кунакка килгәч, кояш чыкты. Без сезгә рәхмәтле һәм Азия кухнясыннан авыз итәргә чакырабыз.
    Бу вакытта ап-ак чатырларда һинд, япон һәм кытай ризыклары әзерләнде. Һавага тәмләткечләр исе таралды, чөнки Азия кухнясы өчен аштәмләткеч өстәмәләр һәм үләннәр төрлелеге хас. Ризыкларның күбесе ачы булса да, чакырылганнарның күңеленә хуш килде. Без Инокучи әфәнденең үзен якисоби япон ризыгын әзерләгәндә очраттык.
    - Сез монда күргәннәрнең барысын да төзүчеләр әзерли. Без пешекчеләр дә, кулинарлар да түгел, ләкин гадәттә өйдә ашаган ризыкларны пешерүгә канәгатьлек хисе белән алындык. Нигездә болар майсыз тәгамнар, кытай борчагы, дөге һәм токмач, - ди ул.
    Җыелганнар рәхәтләнеп чәй церемониясендә катнаштылар һәм яшел чәй әзерләү технологиясе, чәй эчү ритуалы турында кызыклы фактлар белделәр.
    - Башта баллы тәм-томнан - "бәхетле кытай борчагыннан" авыз итәргә һәм өч йотым чәй эчәргә, баш иеп, рәхмәт йөзеннән "аригато газеймас" дияргә кирәк, - диләр чара хуҗалары.
    Тамашачыны милли биюләр, көнчыгыш сугыш сәнгате элементларын башкарган үзешчән артистлар да әсир итте.
    - Без, әйтерсең, Кытай провинцияләренең берсендә яки Япониядә. Гадәти булмаган вакыйга, - дип бүлешәләр Ләйсән Нургалиева һәм Лилия Мөхәммәдиева.
    "Межрегионгаз-Казан" ЯАҖ генераль директоры Р.Ханбиковның ярдәмчесе Рөстәм Гафаров менделеевлылар, район җитәкчелеге, "Аммоний" предприятиесе дирекциясе исеменнән чараны оештыручыларга, төзүчеләргә рәхмәт белдерде.
    - Бәйрәм белән котлыйм, сез җыелганнарга күтәренке кәеф бүләк иттегез, - дип билгеләде Рөстәм Исмәгыйлович.
    Лариса Кривилёва
    Рәис Сәхапов фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: