Менделеевск яңалыклары
  • Рус Тат
  • Бакчачы мәктәбе

    Елдан-ел менделеевлыларның бакчачылык белән кызыксынулары арту гына түгел, ә яшәү рәвеше була бара.

    20дән артык шәһәрле бакчачылар һәм чәчәк яратучылар клубына йөри. Катнашучылар агротехника кагыйдәләренә һәм алымнарына өйрәнәләр, бер-берсе белән кызыклы идеяләре белән уртаклашалар, үзара аралашалар, җиләк-җимеш бирүче, яшелчә һәм чәчәкле үсемлекләр үстерү буенча киңәшләр бирәләр. 

    Бакчачылар клубы 2015 елда җирле пенсионерлар Союзы һәм өй янындагы хуҗалыклар энтузиастлары берләшмәсе инициативасы буенча оештырыла. Шөгыльләр 4 нче мәктәптә атна саен үткәрелә. Роза Йосыпова җитәкчелегендә катнашучылар бакчада эшләү өчен үзләренең белемнәрен камилләштерәләр. Клуб яңа килүчеләр һәм тәҗрибәле бакчачылар белән әңгәмә коруда белем туплау урыны булып тора. Гомум эш төрле яшьтәге кешеләрне һәм һөнәрләрне берләштерә. 


    – Безнең клубка йөрүче барлык бакчачылар бакчаларда һәм түтәлләрдә казынганда үзләрен ышанычлырак хис итәләр. Алар бу эштән канәгатьләнү хисе ала. Шөгыльләрдә генә түгел, бакча участокларында да очрашырга телиләр, анда гадәти булмаган матурлык белән хозурланырга һәм алган белемне гамәлдә ныгытырга мөмкин, – ди Роза Йосыпова. 


    – Бакчачыларның Пенсия фонды бинасы янында участоклары бар, анда дүрт чәчәк түтәле булдырылган, алар анда үсентеләрне кадерләп үстерәләр. Бакчачыларның барысы да активлар. Аларны җиргә мәхәббәт, уку һәм буш вакытларын файдалы үткәрү теләге берләштерә, – дип билгеләде пенсионерлар Союзы җирле бүлекчәсе рәисе Розия Бикметова. 


    Өлкән буын вәкилләрен чәчәк үстерү серләре җәлеп итә. Алар сальвия, георгин, кашкарый үстерәләр. 


    – Чәчәкләр шатлык һәм көндәлек тормышка матурлык өсти. Үсемлекләр белән бизәлгән участок – бу даими җәй һәм уңайлылык, – дип саный Гөлсөяр Сошенко. 


    – Клубка йөрү шәхси участокта яхшы уңыш алырга, чәчәкләр үстерергә һәм халыкка эстетик зәвык бирергә мөмкинлек бирә, – ди Людмила Петкеева. 


    Клубның эш нәтиҗәсе көзге яшелчә һәм җиләк-җимеш күргәзмәсе булды. Ул традицион бәйрәм була һәм анда менделеевлыларның күбесе киләләр. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: