Менделеевск яңалыклары
  • Рус Тат
  • Бала тудыручылар өчен бөтен шартлар да бар

    Газета укучыбыз Николай Архипов бала тудыру йорты нигә ябылды, дип сораган иде. Аның мөрәҗәгатенә үзәк больницаның баш табибы Мөслим Гилёвтан аңлатма килде: - Бала тудыру бүлеге узган елның июнендә ябылды. Төп сәбәпләрнең берсе - бинаның санитар нормаларга һәм кагыйдәләргә туры килмәве. Бала тудыру йортын алга таба эшләтү өчен кыйммәтле ремонт...

    Газета укучыбыз Николай Архипов бала тудыру йорты нигә ябылды, дип сораган иде.
    Аның мөрәҗәгатенә үзәк больницаның баш табибы Мөслим Гилёвтан аңлатма килде:
    - Бала тудыру бүлеге узган елның июнендә ябылды. Төп сәбәпләрнең берсе - бинаның санитар нормаларга һәм кагыйдәләргә туры килмәве. Бала тудыру йортын алга таба эшләтү өчен кыйммәтле ремонт кирәк. Йөклелек, бала табу чорында медицина ярдәменең сыйфатын яхшырту максатында үзәк больница Яр Чаллының перинаталь үзәге белән үзара хезмәттәшлек булдырды. Менделеевск хатын-кызларына тиешле кадрлар белән тәэмин ителгән техник яктан җиһазландырылган заманча медицина учреждениесендә бала табу мөмкинлеге бирелде.
    Бала табуга хәтле госпитальләштерү индивидуаль хәл ителә. Йөкле хатын һәм аның гаилә әгъзалары табиб-акушер-гинеколог тарафыннан Чаллының перинаталь үзәгендә планлаштырган бәби табу турында мәгълүмат ала. Райондагы йөкле һәм бәби табучы хатыннар алдан телефон буенча консультация алып тиз арада яки планлы рәвештә ашыгыч медицина ярдәме машинасында перинаталь үзәккә озатылалар. Акушерлык патологиясенең куркынычлык дәрәҗәсе түбән яки уртача булган бәби табучылар Чаллының перинаталь үзәгенә юллана, куркынычлык дәрәҗәсе югары икән - республика клиник больницасына.
    Гинекология бүлеге базасында хатын-кызларга бәби табу вакытында һәм тапканнан соңгы чорда экстрен медицина ярдәме күрсәтү өчен бала тудыру залы җиһазланган, соңыннан алар перинаталь үзәкнең обсервация бүлегенә озатылалар.
    Менделеевск үзәк больницасының һәм перинаталь үзәкнең ел ярымлык уртак эшчәнлеге нәтиҗәсендә җирле хатын-кызлар консультациясе эше активлашты. Табиблар йөкле хатыннарда акушерлык патологияләре һәм вакытыннан алда бала табу куркынычын киметү һәм булдырмау буенча профилактик эш алып баралар.
    Ун айда ашыгыч медицина ярдәме бригадасы Яр Чаллының перинаталь үзәгенә өйләреннән 141 йөкле хатынны алып барды, хатын-кызлар консультациясеннән - 143.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: