Бер миллион язылучысы булган блогер – «Ялкын» журналында

Очрашуда катнашкан YouTube хостингында «Хижина музыканта» каналын алып баручы блогер Раил Арсланов YouTube каналын алып бару авыррак, дип белдерде.
Аның сүзләренчә, социаль челтәрләрнең төп таләбе — даимилек, кызыклы һәм сыйфатлы контент.

«Ялкын»ның яңа санында блогер Раил Арслановтан тыш, хикәяләргә рәсемнәр ясаучы да бар. Ул журналның тышлыгында сурәтләнгән. « Яңа санда — Базарлы Матак мәктәбенең 10 нчы сыйныф укучысы, рәссамыбыз Алия Мөхәммәткәримова.», — диде «Ялкын» журналының мөхәррире Илназ Фазуллин.

–Туган телдә яңа проектлар булдыру татар халкының киләчәге бар, дигән сүз, — дип белдерде «Татмедиа» АҖ генераль директоры Шамил Садыйков. – «Ялкын» журналының аудиториясен яшьләр тәшкил итә.