Менделеевские новости
  • Рус Тат
  • Бер сменада укыячакбыз

    1 нче мәктәп ишегалдында башлангыч блок төзелеше яңартылды. Аның проекты 2007 елда ук әзер иде, 2010 ел ахырында финанс кризисы сәбәпле, төзелеш туктатылды. Берничө атна элек объектта яңадан эшләр башланды. Төзелеш республика бюджеты средстволары хисабына башкарыла. Заказчысы - ГИСУ - Казанның Дәүләт инвестиция төзелеш идарәсе. - Без чыннан да янкормага...

    1 нче мәктәп ишегалдында башлангыч блок төзелеше яңартылды. Аның проекты 2007 елда ук әзер иде, 2010 ел ахырында финанс кризисы сәбәпле, төзелеш туктатылды. Берничө атна элек объектта яңадан эшләр башланды.
    Төзелеш республика бюджеты средстволары хисабына башкарыла. Заказчысы - ГИСУ - Казанның Дәүләт инвестиция төзелеш идарәсе.
    - Без чыннан да янкормага мохтаҗ, - ди мәктәп директоры Александр Степанов. - Республикада берничә мәктәптә ике сменада укыйлар, шәһәрдә - без генә. Бездә 16 башлангыч сыйныф, ә төп бинада алар өчен нибары сигез кабинет.
    Беренче мәктәптә 1018 укучы, шуларның 400е - түбән классларда. Әлеге мәгариф учреждениесенә керергә теләүчеләр елдан-ел арта. Сәбәпләрнең берсе - мәктәпнең уңайлы урнашуы - ул шәһәр үзәгендә.
    Макет нигезендә өч катлы бинада 18 сыйныф бүлмәсе, ашханә, китапханә һәм төп корпустагы кебек үк спортзал урнашачак. Ике бинаны галерея тоташтыра. Янкорма нәтиҗәсендә иркен эчке ишегалды барлыкка киләчәк, анда гомуммәктәп линейкалары узачак. Хәзер алар Геройлар аллеясы буендагы юлда үтә, бу уңайлы түгел.
    - Ниһаять, быел Карпов исемендәге химзаводны подрядчы итеп сайладылар. Ул безнең социаль партнер да, - ди Александр Михайлович. - Төзелеш башлануны озак көттек, хәзер ашыгырга кирәкми дип уйлыйм. Ашыкмыйча, сыйфатлы итеп күтәрсеннәр.
    Безнең визит моментында төзелешкә кран җәлеп ителгән иде.
    - Аннан башка эш бармый, эретмә, кирпеч, япмалар төйибез һәм бушатабыз, - дип сөйли автокранчы Владимир Князев. - Иң зур кыенлык - әлегә пычрак, машина бата. Ә эш белән өлгерәбез.
    Төзелеп бетмәгән бина бер ел диярлек торды. Белгечләр исәпләвенчә, тагын бераздан фундаментны коткарып булмас иде. Әлегә укучылар янкорма төзелешен ышаныч белән күзәтәләр һәм яңа корпуска күченүне көтәләр.

    Нравится
    Поделиться:
    Реклама
    Комментарии (0)
    Осталось символов: