Бәхете – балаларында
Узган атнада тыл хезмәтчәне, хезмәт ветераны Людмила Коновалова туганнары һәм якыннары янәшәсендә 90 яшьлек юбилеен билгеләде. Л.Кривилёва Юбилярны зур һәм әһәмиятле дата белән шәһәр һәм район башлыгы Игорь Привалов шәхсән котлады. Ветеранга изге теләкләр юллап, Игорь Анатольевич иң элек РФ Президенты Владимир Путин имзалаган открытка тапшырды. Анда мондый юллар бар:...
Узган атнада тыл хезмәтчәне, хезмәт ветераны Людмила Коновалова туганнары һәм якыннары янәшәсендә 90 яшьлек юбилеен билгеләде.
Л.Кривилёва
Юбилярны зур һәм әһәмиятле дата белән шәһәр һәм район башлыгы Игорь Привалов шәхсән котлады. Ветеранга изге теләкләр юллап, Игорь Анатольевич иң элек РФ Президенты Владимир Путин имзалаган открытка тапшырды. Анда мондый юллар бар: "Без сугышның барлык авырлыкларын һәм михнәтләрен намус белән кичергән геройлар һәм җиңүчеләр буыны белән горурланабыз. Сезнең һәрберегез гомуми Җиңүгә бәһасез өлеш кертте. Бу батырлыклар гасырларда калачак һәм патриотизмның, әхлаклылыкның, эшкә тугрылыкның югары үрнәге булып хезмәт итәчәк".
Котлау сүзләренә Социаль яклау идарәсе начальнигы Әлфия Салаватуллина, ветераннар советы рәисе Любовь Сорокина кушылдылар.
Язмабыз героеның биографиясе сәхифәләре яшьтәшләренекеннән аерылмый.
- Кечкенәдән хуҗалыкта әти-әнигә ярдәм итә башладым. Алар иртәдән кичкә кадәр Можга районының Билер авылында колхозда эшләделәр. Заманалар авыр иде, бер кисәк ипи өчен күп хезмәт куярга туры килде, - дип сөйли Людмила Михайловна. - Аннан гаиләбез апам яшәгән Кокшан поселогына күчте. Завод лабораториясенә эшкә кергәндә 16 яшем дә тулмаган иде. Шул ук вакытта кичке мәктәптә укыдым, смена мастеры һөнәренең нечкәлекләренә өйрәндем.
1946 елда фронтовик Павел Николаевичка кияүгә чыктым. Ирем эшчән иде. 20 елдан артык Күрәк авылында "40 лет Октября" колхозында рәислек итте. Тормыш иптәшем белән тугыз бала үстердек.
Хәзер Коноваловлар нәселен алты баласы, 16 оныгы һәм 12 оныкчыгы дәвам итә.
- Балаларым искиткеч, хезмәт сөючән, - дип дәвам итә ул. - Виталий - Түбән Кама мәктәбендә педагог, ТРның атказанган укытучысы, Лидия - Сургут больницасында шәфкать туташы-статист, Татьяна Горький өлкәсендә яши, пенсиядә. Ольга 33 ел химзаводта эшләде, Надежда - КамАЗда лаборант, кечкенәсе Вера химзаводның фармакопея цехында хезмәт куя. Кызганычка каршы, өчесе инде мәрхүм.
- Без бергә җыелырга яратабыз. Гаиләләребездә иң төп бәйрәмнәр - әниебезнең туган көне һәм Җиңү көне, - дип бүлешәләр кызлары Ольга һәм Надежда. - Әниебез әле дә яшьлегендәге популяр җырларны хәтерли.
- Рәхәтләнеп җырлыйм. Җырлар кәефне күтәрә, кыенлыкларны оныттыра, - дип килешә юбиляр. - Җирле газетаны укудан да канәгатьлек алам, беренче битеннән соңгысына кадәр укыйм.
Мөлаем, изге күңелле әбинең күзләренә карап, үзебез дә кәеф күтәренкелеге алдык.
Хөрмәтле Людмила Михайловнага ныклы сәламәтлек, бәхетле көннәр телибез.
Э.Панфилова фотосы
.jpg)
Телефон АО «ТАТМЕДИА»: (843) 222 09 84