Менделеевск яңалыклары
  • Рус Тат
  • Браслет белән арест астында

    Февраль аенда суд тарафыннан ел ярымга хөкем ителгән 23 яшьлек менделеевлы күптән түгел электрон браслет киеп карады. Инспекция начальнигы Ирина Шакирова аңлатканча, РФ җинаять-башкарма кодексының 60 нчы маддәсе нигезендә күзәтчелек итү һәм хөкем ителгәннең тәртибе турында мәгълүмат алу максатында браслет - алыштыргысыз әйбер. Контрольнең әлеге төре хөкем ителгәннәрне яңа җинаять...

    Февраль аенда суд тарафыннан ел ярымга хөкем ителгән 23 яшьлек менделеевлы күптән түгел электрон браслет киеп карады.
    Инспекция начальнигы Ирина Шакирова аңлатканча, РФ җинаять-башкарма кодексының 60 нчы маддәсе нигезендә күзәтчелек итү һәм хөкем ителгәннең тәртибе турында мәгълүмат алу максатында браслет - алыштыргысыз әйбер. Контрольнең әлеге төре хөкем ителгәннәрне яңа җинаять кылудан саклау мөмкинлеге бирә. Аңа шулай ук кафе, күңел ачу учреждениеләре, төнге клубларга йөрү чикләнә. Шул ук вакытта хөкем ителүче гардеробындагы махсус мобиль җайланмалы каешлы әйбер белән рәхәтләнеп эшкә йөри ала. Һәм, әлбәттә, вакытында өенә кайтырга тиеш (22 сәгатькә кадәр). Тәүлекнең теләсә кайсы вакытында (төнне исәпләмичә) җинаять-башкарма инспекциясе хезмәткәре күзәтү астында булучының өенә килергә, аның белән әңгәмә корырга һ.б. хокуклы.
    Авылда яшәүче ханымга карата техник җайланма кулланылган мондый беренче очрак 2010 елда теркәлгән. Шуны искәртәбез, дистанцион контроль комплекты 100 мең сумнан артык бәяләнә. Казна милкен бозганда инспекция гаепледән матди зыянны каплатуны үтенеп судка дәгъва белән мөрәҗәгать итә ала. Мобиль контроль җайланмасы нигездә авыр булмаган хокук бозучыга карата кулланыла.
    2012 елның августында эш фигуранты "Дружба" бакчачылык ширкәтенең ташландык участогында үсүче каннабис (марихуана) куагын өзеп ала һәм гаражында саклый. Көз көне пакетны йорт подъездында металл щитокка яшерә. Декабрь аенда фатирына алып керә, наркотикны полицейскийлар таба. Эксперт нәтиҗәсе буенча, аның массасы 14,7 г. Беренче карашка уңышлы күренгән, элек хөкем ителмәгән егетне бу уйланмаган адымга нәрсә этәрә? Ачыкланганча, ул наркологта исәптә торган икән.
    Яшь ир тикшерү барышында һәм суд утырышы вакытында да үз гамәле өчен үкенүен белдерә һәм гаебен таный. Ирек Нәбиев рәислегендәге суд аның җәмгыятьтән аермыйча гына төзәлү мөмкинлеген исәпкә ала. Шартлы җәза үтәү вакытында менделеевлы үзен көнкүрештә дә, эш урынында уңай яктан таныта. "Комфорт" ҖЧҖнең хезмәт коллективы аңа шеф-остаз билгели. Иң мөһиме, шефлыкка алган кеше намус белән хезмәт итсен һәм җәза үтәү кагыйдәләрен бозмасын.
    Лариса Саберова, җинаять-башкарма инспекциясе өлкән инспекторы,
    Роза Шәрәфиева, үз хәбәрчебез

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: