Менделеевск яңалыклары
  • Рус Тат
  • Бөтенроссия инвалидлар оешмасына 25 ел

    Инвалидлар ункөнлеге кысаларында районда төрле чаралар үткәрелә. Район башлыгының инвалидлар җәмгыяте активы белән очрашуы шуларның берсе булды. Муниципалитет залында җыелганнарны сәламләп, Игорь Привалов инвалидлар җәмгыяте рәисе Рәфис Нәбиев белән берлектә Казанда Президент катнашында үткәрелгән республика чарасында булулары турында игълан итте, соңгы ике елда "Уңайлы мохит" республика программасын гамәлгә ашыру буенча...

    Инвалидлар ункөнлеге кысаларында районда төрле чаралар үткәрелә. Район башлыгының инвалидлар җәмгыяте активы белән очрашуы шуларның берсе булды.
    Муниципалитет залында җыелганнарны сәламләп, Игорь Привалов инвалидлар җәмгыяте рәисе Рәфис Нәбиев белән берлектә Казанда Президент катнашында үткәрелгән республика чарасында булулары турында игълан итте, соңгы ике елда "Уңайлы мохит" республика программасын гамәлгә ашыру буенча башкарылган эшләргә тукталды.
    Инвалидлар җәмгыяте рәисе Рәфис Нәбиев чыгышында Бөтенроссия җәмгыятенең 25 еллыгын билгеләп үтүе һәм бу уңайдан күпсанлы чаралар уздырылуы турында сөйләде.
    "Бергәләп күп нәрсә эшли алабыз" республика инвалидлар иҗат фестиваленең җирле туры уздырылды. Аның максаты - мөмкинлекләре чиклеләр, шул исәптән инвалид балалар арасында талантлыларны сайлап алу һәм аларны үстерү. Фестивальдә 27 кеше, шулай ук коррекция мәктәбе балалары катнашты. Нәфис сүз, музыкаль иҗат (ансамбль, солист), сынлы-гамәли сәнгать номинацияләре буенча җиде кеше җиңүче булды. Иң яхшы эшләр Казанга җибәрелде.
    Җәмгыять "Татарстан инвалидлары коммерциясез оешмасы өчен социаль-мәгълүмати бердәм система" проектын гамәлгә ашыруда катнашты. Шулай ук "Уңайлы мохит", федераль һәм республика максатчан программалары буенча мониторинг үткәрелде. Аның кысаларында инвалидларга җәмгыятьтә яраклашу өчен уңайлыклар тудырылды.
    Быел оешма район башлыгы ярдәме белән уңайлыклы яңа кабинетка күченде. Хәзер җәмгыять әгъзаларына ешрак очрашу һәм тренажёр залында шөгыльләнү мөмкинлеге бар.
    Агымдагы елда инвалидлар командасы төрле дәрәҗәдәге спорт ярышларында уңышларга иреште. Шахмат, шашка, армрестлинг, авыр атлетика буенча призлы урыннар яулаучылар исәбендә менделеевлылар да бар. ТР Яшьләр эшләре, спорт һәм туризм министрлыгының Менделеевск бүлеге булышлыгы ярдәмендә өч спартакиада уздырылды. Инвалидлар җәмгыяте ярышларны оештыруда матди ярдәм күрсәткән иганәчеләргә рәхмәтле.
    Чыгышларны йомгаклап, Игорь Анатольевич идарә активына акчалата бүләк тапшырды.
    Очрашу һәм үзара фикер алышу чәй табыны артында дәвам итте.
    Мәдинә Григорьева

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: