Менделеевск яңалыклары
  • Рус Тат
  • Чаңгы юлында 600дән артык менделеевлы

    Шимбә көнне 653 менделеевлы - спортны яратучылар, сәламәт яшәү рәвеше тарафдарлары чаңгыга басты. Рәхилә Мирзаянова Җиңүнең 70 еллыгына багышланган "Татарстан чаңгы юлы-2015" "Батыр" спорт мәктәбе территориясендә узды. Каташучыларны район җитәкчесе Валерий Чершинцев котлады. - Суыктан курыкмагансыз, афәрин! - диде ул. - Спортның гаммәви төрләрен үстерәчәкбез. Барыбызга да азарт һәм күтәренке...

    Шимбә көнне 653 менделеевлы - спортны яратучылар, сәламәт яшәү рәвеше тарафдарлары чаңгыга басты.
    Рәхилә Мирзаянова
    Җиңүнең 70 еллыгына багышланган "Татарстан чаңгы юлы-2015" "Батыр" спорт мәктәбе территориясендә узды. Каташучыларны район җитәкчесе Валерий Чершинцев котлады.
    - Суыктан курыкмагансыз, афәрин! - диде ул. - Спортның гаммәви төрләрен үстерәчәкбез. Барыбызга да азарт һәм күтәренке кәеф юлдаш булсын.
    Спортчылар арасында - өлкән буын вәкилләре. Аларга һәм җыелганнарга ветераннар советы рәисе Любовь Сорокина уңышлар теләде.
    Старт алдыннан без чаңгы спортын үз итүчеләр белән әңгәмә кордык.
    Резидә һәм Виктор Бузановлар 7 нче балалар бакчасын тәкъдим итәләр.
    - Ярышларга гимназиянең беренче сыйныфында укучы оныгыбыз Эрик Яшин да килде, - диләр алар. - Ул мондый күләмле чарада беренче тапкыр катнаша. Без һәр ялда табигатькә чыгарга тырышабыз, барыбызга да чаңгылар сатып алдык, рәхәтләнеп шуабыз.
    Яшь ярымлык Аяз вакыйгаларны кызыксынып күзәтә. Ул әнисе Әлфия белән әтиләрен - район электр челтәре белгече Марс Нуриевны хупларга килгән.
    - Минем белән бергә икетуган энем Азат та предприятие даны яклый. Чаңгы - минем хобби, - ди Марс.
    - Ә мин тимераякка өстенлек бирәм, - дип өсти Азат. - Ял көннәрендә тормыш иптәшем Альбина белән Боз сараена йөрибез.
    Сиринә Ситдыйкова Песәйдән килгән. Авыл мәктәбенең 9 нчы сыйныф укучысы чаңгы ярышында өченче ел катнашуы, мәгариф учреждениесендә физкультурага зур игътибар бирелүе турында әйтте.
    Ярышларга стартны VIP-чабыш бирде. Чаңгы юлына 60тан артык предприятие һәм оешмалар җитәкчеләре, җирлек башлыклары басты. Аннан дистанцияне 18 яшькә кадәр малайлар һәм кызлар, алардан өлкәнрәк хатын-кызлар һәм ир-атлар үтте. Катнашучылар истәлекле вымпеллар алдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: