Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Чечняда сугыш – обелискка канәферләр

Шимбә көнне менделеевлылар Чечня хәрәкәтләрендә һәлак булган егетләрне искә алу өчен сугышчылар мемориалы янына җыелдылар. 20 ел элек федераль көчләр гаскәрләре Чечен республикасында контртеррор операциясен башладылар. Хәрби хәрәкәтләрдә 170 тән артык менделеевлы да катнашты. Шарашкиннар гаиләсе митингка тулы составта диярлек килгән. Елена һәм Надежда - Андрей Шарашкинның апалары, ул Кавказда...

Шимбә көнне менделеевлылар Чечня хәрәкәтләрендә һәлак булган егетләрне искә алу өчен сугышчылар мемориалы янына җыелдылар.

20 ел элек федераль көчләр гаскәрләре Чечен республикасында контртеррор операциясен башладылар. Хәрби хәрәкәтләрдә 170 тән артык менделеевлы да катнашты.
Шарашкиннар гаиләсе митингка тулы составта диярлек килгән. Елена һәм Надежда - Андрей Шарашкинның апалары, ул Кавказда булганда, энекәшләре өчен нәкъ аларның күңелләре борчылган.
- Мин һава десанты гаскәрләрендә хезмәт иттем, - дип сөйли Андрей Павлович. - Безне Грозныйда төшерделәр, аннан бөтен Чечня буйлап йөрергә туры килде. Бу чорда мин вакытыннан алда өлкән сержант званиесе алдым, ә менә хәрби хәрәкәттә катнашучы статусын сигез елдан соң гына бирделәр.
Андрейның хатыны Вера - Чечняда һәлак булган Александр Рябовның бертуган апасы. Әнисе Любовь Алексеевна да аның янәшәсендә. Чечняда һәлак булган тагын бер менделеевлы Артур Шиһаповның әнисе узган ел үлгән.
Нина Григорьевна Евдокимованың йөрәгендә шулай ук төзәлмәс яра. 2001 елда чакырылган улы Иван Мазилкин Владикавказда хезмәт итә һәм өенә кайта алмый.
- Яшәргә кирәк, - дип авыр сулый Нина Григорьевна.
Игорь Антонов 1995 елда Чечняда хезмәт иткән. Бу көннәр вакыйгалары турында ул кыска гына әйтә:
- Бик авыр булды.
Митингка хатыны Наталья һәм кечкенә улы белән килгән.
Карпов исемендәге химия заводы делегациясе обелискка зур чәчәк букеты куйды.
- Безнең коллективта хәрби хәрәкәтләрдә булган 26 кеше эшли, - дип сөйли профком рәисе Зөфәр Сәгъдиев, - әфганчылар, чечнялылар һәм башка кораллы конфликтларда катнашканнар.
Район башкарма комитеты җитәкчесе урынбасары Константин Макаров, хәрби комиссар Дамир Вәлиев, хәрби хәрәкәтләр ветераннары берлеге рәисе Сергей Поспелов сугышчы-якташларыбызга рәхмәт сүзләре җиткерделәр һәм һәлак булганнарның гаиләләренең кайгысын уртаклашуларын белдерделәр.
Һәлак булган солдат әнисе Любовь Рябова булышлык күрсәтүләре өчен район җитәкчелегенә рәхмәт әйтте.
Бу көнне митингта шәһәр мәктәпләре укучылары да катнашты.
- Чечня сугышы темасын башта 9 нчы сыйныфта һәм тирәнтен 11 нче сыйныфта өйрәнәбез, - ди 1 нче мәктәпнең директор урынбасары Людмила Ярославцева. - Күп балалар өчен бу тема якын, кызыклы, чөнки туганнары шул вакыйгаларда катнашкан.
Митинг бер минутлык тынлык, чәчәкләр һәм веноклар салу белән тәмамланды.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары сугышчылар мемориалы

2
X