Җәмгыять
.jpg)
Чын кызлар хоккей уйный
"Айсберг" Боз сараенда 1998-2000 елларда туган кызлар арасында хоккей буенча республика беренчелегенең беренче этабы уеннары узды. Ярышта катнашучыларны район җитәкчесе Валерий Чершинцев, ТР Дәүләт Советы депутаты ярдәмчесе Рөстәм Гафаров сәламләделәр һәм Татарстан Конституциясе көне белән котладылар. Ярышлар өч көн барды. Анда Казан, Буа, Питрәч, Актаныш һәм Менделеевск җыелма командалары катнашты....
"Айсберг" Боз сараенда 1998-2000 елларда туган кызлар арасында хоккей буенча республика беренчелегенең беренче этабы уеннары узды.
Ярышта катнашучыларны район җитәкчесе Валерий Чершинцев, ТР Дәүләт Советы депутаты ярдәмчесе Рөстәм Гафаров сәламләделәр һәм Татарстан Конституциясе көне белән котладылар.
Ярышлар өч көн барды. Анда Казан, Буа, Питрәч, Актаныш һәм Менделеевск җыелма командалары катнашты.
Тренер И.Абазов җитәкчелегендәге "Лигры" менделеевлылар командасы беренче көнне Буа хоккейчылары белән очрашты. Тамашачы безнең спортчылар өчен җан атты, һәр кискен мизгел өчен борчылды, ә алар уен барышында аз булмады.
- Команда капитаны Лиза Маштакова - минем оныгым, - ди хезмәт ветераны Валентина Петровна Маштакова, - ул хоккей белән җитди мавыга, уен алдыннан бик дулкынланды һәм мин аңа, команда буенча иптәшләренә уңышлар теләргә килдем.
Николай Геннадьевич Пермяков оныгы Анна өчен җан ата. Пермяковлар гаиләсендә хоккей белән мавыгу нәселдән килә.
- Без вакытында "Коммуна" театры янындагы шугалакта уйный идек. Дөрес, анда башка заман - киез итекләрдә тимераяклар, урманга барып, кәшәкә таягына бөгелгән агач эзли идек. Хәзер балалар өчен менә дигән боз сарае төзеделәр.
Көндәшләр капкасына беренче ике алканы Ләйсән Шәрәфетдинова кертте. Һөҗүм итүче Валерия Кузнецованың төгәл атуы җиңү исәбен тагын арттырды. Хоккейчының әнисе шатлыгын яшерми.
- Валерия МЧС уку йортында укырга ниятли, - дип билгеләп үтә Татьяна Кузнецова. - Күнекмәләрдә алган сыйфатлары аңа киләчәктә кирәк булыр дип ышанам.
1 нче мәктәп укучысы Ирина Глущенко уенның һәр мизгелен видеога төшерергә омтыла.
- Мин иптәшем Алина Студенкованы хупларга килдем, - ди ул.
Нәтиҗәдә очрашу кыр хуҗалары файдасына 6:1 исәбе белән тәмамланды.
Безнең команда уены турында тамашачы ир-егетләрнең дә фикерен беләсе килде.
- Команда лаеклы уйный, - дип саный Виктор Смирнов, - яхшы шуалар, кызлар кырны күрәләр, куелган бурычны үтиләр, капкачы һөҗүмне яхшы гына кире кага. Тренерның хезмәтен бәяләргә кирәк.
Уен нәтиҗәләре буенча Актаныштан "Лачын" командасы беренче урынны алды, Казан һәм Питрәч командалары - икенче һәм өченче. Менделеевлылар дүртенче урында. Алда беренчелекнең икенче этабы, ул Питрәчтә узачак.
Следите за самым важным и интересным в Telegram-каналеТатмедиа
Нет комментариев