Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Гадәттән тыш хәлләрдә ваклыклар булмый

Карпов исемендәге химия заводында Ростехнадзор линиясе буенча уку-күнекмәләр шөгыльләре узды. Версия буенча, кальций һәм барий хлоридлары цехы территориясендә тоз кислотасы савытының герметиклыгы сафтан чыккан, газ таралудан бер хезмәткәр токсик зарарлану алган. Гадәттән тыш хәлне бетерү штабы белән заводның техник директоры Илдар шәвәлиев җитәкчелек итте. Сирена улавы авария турында хәбәр итә....

Карпов исемендәге химия заводында Ростехнадзор линиясе буенча уку-күнекмәләр шөгыльләре узды.


Версия буенча, кальций һәм барий хлоридлары цехы территориясендә тоз кислотасы савытының герметиклыгы сафтан чыккан, газ таралудан бер хезмәткәр токсик зарарлану алган. Гадәттән тыш хәлне бетерү штабы белән заводның техник директоры Илдар шәвәлиев җитәкчелек итте.
Сирена улавы авария турында хәбәр итә. Барлык техника һәм кеше ресурслары хәрби әзерлектә. Службаларның бердәм һәм төгәл эшләве генә гадәттән тыш хәлнең масштабын җәелдермәскә, зыян күрүченең тормышын саклап калырга ярдәм итәчәк.
Кыска срокларда цех персоналын эвакуацияләргә, ашыгыч ярдәм килгәнче коллегаларына булышырга, тоз кислотасы түгелү зонасын уратып алырга, җилнең юнәлешен билгеләргә кирәк.
Барлык гамәлләр дә штабка җиткерелә. Менә заводның штатныкы булмаган авария-коткару берләшмәсе хезмәткәрләре махсус киемнәрдә һәм саклау чараларында бурычларына керешәләр: агуланучыны коткару буенча чаралар күрәләр, аңа беренче ярдәм күрсәтәләр, куркыныч зонада кешеләр калмаганлыгын барлыйлар, авария сәбәбен һәм җиһазлар зарарлану характерын ачыклыйлар.
Бу вакытта янгынчылар һәм ашыгыч ярдәм килеп җитә, алар артыннан - Чаллыдан профессиональ коткаручылар. Янгын службасының бурычы - куркыныч химикат парлары таралмасын өчен, җил юнәлешенә перпендикуляр су-күбек киртәсе булдыру. Медиклар, агуланучыга квалификацияле ярдәм күрсәтеп, аны больницага озаталар. Профессиональ коткаручылар махсус техника ярдәмендә тоз кислотасы чыганагын сода эретмәсе белән нейтральләштерәләр.
- Мондый очракларда һәр минутның кадерле булуын аеруча аңлыйсың, - дип бүлешә кальций һәм барий хлоридлары цехы начальнигы Татьяна Шумилова. - Мин теорияне яттан беләм, ә үземә персоналны эвакуацияләү белән шөгыльләнергә туры килгәч, дулкынландым.
- Безнең белемнәр бары тик укуларда гына кулланылсын иде, - диләр заводның штатныкы булмаган коткаручылары Александр Битюков һәм Инсаф Хәсәнов.
Гадәттән тыш хәл бетерелгәч, завод идарәсенең утырышлар залында йомгак ясау булды. Күзәтүчеләр - Ростехнадзор инспекторлары тәкъдим һәм теләкләрен әйттеләр, җибәрелгән кимчелекләрне билгеләделәр.
- Укулар безгә нәрсә өстендә эшләргә кирәклеген күрсәтте, - дип ассызыклады химик предприятиенең генераль директоры Дамир Шәмсин. - Штатныкы булмаган коткаручыларны без тулаем экипировкаладык, алар даими теоретик шөгыльләр үтәләр. Хәзер Ростехнадзор белгечләре йогынтысы белән елга бер тапкыр уку шөгыльләре уздырачакбыз.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск яналыклары учения

2
X