Менделеевск яңалыклары
  • Рус Тат
  • Геройлар безнең хәтердә яши

    Дүшәмбе көнне Бөек Ватан сугышында катнашкан Екатерина Александровна Андреева яшәгән Профсоюзная урамының 3 нче йортында мемориаль такта ачу вакыйгасы булды. Сугыш вакытында Мәскәү күген саклаган батыр якташыбызның истәлеге улларының средстволарына мәңгеләштерелде. - Әниебез һәрчак терәгебез һәм ышанычыбыз булды, - ди Леонид. - Аның зирәк киңәшләре, тормыш тәҗрибәсе әле дә безнең...

    Дүшәмбе көнне Бөек Ватан сугышында катнашкан Екатерина Александровна Андреева яшәгән Профсоюзная урамының 3 нче йортында мемориаль такта ачу вакыйгасы булды.

    Сугыш вакытында Мәскәү күген саклаган батыр якташыбызның истәлеге улларының средстволарына мәңгеләштерелде.
    - Әниебез һәрчак терәгебез һәм ышанычыбыз булды, - ди Леонид. - Аның зирәк киңәшләре, тормыш тәҗрибәсе әле дә безнең өчен генә түгел, балаларыбыз өчен дә ориентир булып тора. Әни лаеклы тормыш юлы үтте. Сугыш михнәтләре аның ихтыярын ныгытты, тыныч вакытта намусы кушканча эшләде. Ләкин, кызганычка каршы, вакыт аяусыз. Сугыш ветераннарының сафы сирәгәя. Яшәгән еллары да, сугышта алган яралары да, фронт михнәтләре дә үзләрен сиздерә. Мондый хәтер такталары сугышта катнашучылар яшәгән башка йортларда да барлыкка килер дип ышанам.

    Иң элек Павел атакай искә алу хезмәтен башкарды.
    Карпов исемендәге химзаводның ветераннар советы рәисе Роза Галиева, Әфганстан һәм Чечня сугышлары ветераннары союзы рәисе Сергей Поспелов вакыйганың әһәмиятен билгеләделәр.
    - Менделеевскига кунакка килгәч, әбиемнең исән түгеллегеннән йөрәгем моңсулана, - дип бүлешә оныгы Александра. - Ул еш кына үз тормышыннан, аеруча сугыш чорыннан хатирәләре белән уртаклаша, фронтташ ахирәтләрен дулкынланып искә төшерә иде.
    Менә уллары Леонид һәм Виктор ак полотноны салдыралар. Мәрмәр тактада Екатерина Андрееваның портреты уелган, бу йортта яшәгән еллары күрсәтелгән: 1978-2014.
    Чарада ветеранның туганнары, күршеләре катнашты.
    - Екатерина Александровна безнең өчен зирәк остаз иде, - ди Светлана Соболева. - Без аны үз итеп тётя Катя дип йөрттек. Ветераннарның батырлыклары һәм фидакарьлекләре нәтиҗәсендә 70 ел тыныч күк йөзе астында яшибез. Күршебезнең истәлеген мәңгеләштерүгә мин шат. Узып киткәндә, кешеләр тактага күз төшерерләр, Җиңү кадере турында уйланырлар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: