Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Гөлбакча ясаучылар

Шәһәрдә үзләре яшәгән торак йорт янында аллы-гөлле чәчәкләр үстерүчеләр күп. Ушковлар урамының 7 нче йортында яшәүче пенсионер Рәфинә Халитова тәрәзә каршында чәчәк түтәле булдырган. Кечкенә кишәрлекне казып, ул күңеленә ошаган чәчәк орлыклары утырта. Аларга вакытында су сибеп тора, төпләрен даими йомшарта. - Биредә берничә ел рәттән чәчәкләр үстерәм. Орлыкларын кибетләрдән...

Шәһәрдә үзләре яшәгән торак йорт янында аллы-гөлле чәчәкләр үстерүчеләр күп.


Ушковлар урамының 7 нче йортында яшәүче пенсионер Рәфинә Халитова тәрәзә каршында чәчәк түтәле булдырган. Кечкенә кишәрлекне казып, ул күңеленә ошаган чәчәк орлыклары утырта. Аларга вакытында су сибеп тора, төпләрен даими йомшарта.
- Биредә берничә ел рәттән чәчәкләр үстерәм. Орлыкларын кибетләрдән яки базардан сатып алам. Көзен үзем дә орлыкларны җыеп алып, киптереп, язга әзерләп куям. Бу йортта 53 ел яшим. Георгин, петунья, бәрхет һ.б. чәчәкләрне матурлык өчен утыртам, - ди Рәфинә апа. - Бакчам да бар. Анда бәрәңге, чөгендер, кишер һ.б. яшелчә, җиләк- җимеш, агачлар, куаклар үстерәбез.
Юбилейная урамындагы 5 нче йорт яныннан узган кешеләр көзен дә кып-кызыл циния чәчәкләре үскән ишегалдына соклана.Чәчәк түтәле пенсионер Надежда Черкашинаның тырыш куллары нәтиҗәсендә барлыкка килгән. Шәһәр башкарма комитеты ярдәме белән китерелгән кара туфракта кашкарый, петунья, бәрхет, ромашка, тырнак гөл, яран, циния чәчәкләре үсә. Тормыш иптәше Егор Семенович язын җирне казый. Надежда ханым ал, кызыл, ак яраннарны кышын фатирында үстерә, язын урамга күчерә, алар, салкынга бирешмичә, көзгә кадәр чәчәк атып утыралар.
- Чәчәк орлыкларын үзем әзерлим, сатып та алам. Йортның бу ягы ышыграк, җил тими, шуңа да чәчәкләр күкрәп үсәләр. "Дружба" ширкәтендәге бакчама йөрергә дә вакыт табыла. Теләк булса, барысына да өлгерергә мөмкин, - ди Надежда Черкашина.
"Кама таңнары" приютында бүгенге көндә утыз бала тәрбияләнә. Педагоглар аларга белем һәм тәрбия бирүдә көчләрен дә, вакытларын да кызганмыйлар.
- Территорияне төзекләндерү һәм яшелләндерүдә социаль эшләр буенча белгечләр Алсу Йосыпова һәм Галина Бурмистрова, хезмәт буенча инструктор Илнар Насыйров, шофер һәм юрис-консульт Сергей Тимергалиев тырыш хезмәт куйдылар, - ди приют директоры Илсөяр Зыятдинова. - Хезмәткәрләр балалар белән берлектә кулланырга яраклы материаллардан төрле эшләнмәләр ясыйлар. Һәр белгечкә участоклар бүлеп бирелгән. Алар шәкертләр белән чәчәкләр һәм җиләк-җимеш, яшелчә үстерәләр. Ел ахырында иң яхшы участокка йомгак ясала.


Узган елда кырык төрле чәчәк үстерелгән. Быел да кызыл розалар ерактан ук күзгә ташлана. Аллы-гөлле чәчәкләр әкият дөньясын хәтерләтә.
Тәрбиячеләр белән берлектә кызлар һәм малайлар машина тәгәрмәчләреннән аккошлар, агачтан болан, песи, зебра, жираф эшләгәннәр. Тәрбиячеләр һәм балаларның фантазияләре бай. Вак ташлардан крокодил хасил булган. Ясалма күлдә челән басып тора, үрдәкләр йөзә, бакалар сикерә. Агач төбендә керпе йөри. Бина кыегында зәвык белән эшләнгән сыерчык оясы күренә. Коймаларга рәсемнәр төшерелгән.
- Приютта мавыктыргыч чаралар үткәрелә. Без монда тегәргә, чигәргә өйрәнәбез. Бакчада уңыш үстерәбез. Түтәлләрне чүп үләннәреннән чистартабыз, су сибәбез. Үзебез үстергән яшелчә, җиләк-җимешләрдән пешекчеләр тәмле ризыклар пешерәләр, - диләр Ангелина Узлова һәм Диана Худжанова.
Хәзер көзге уңыш җыеп алынып, саклауга куелган. Теплицада әле һаман кыяр, баклажан, помидор, борыч үсә.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары