Менделеевск яңалыклары
  • Рус Тат
  • Гомер көзе кояшлы

    Тыл һәм хезмәт ветераны Җәмилә Хәйретдинова шушы көннәрдә 90 яшен билгеләде. Җәмилә апа олы юбилеен дүрт баласы, җиде оныгы һәм дүрт оныкчыгы янәшәсендә каршылый. - Аллага шөкер, балаларым тырыш, тәүфыйклы, акыллы, миһербанлы булып үстеләр, - ди Җәмилә Мөхәмәтзакировна. Башкортстанның Бакалы районы Килькабыз авылында күпбалалы гаиләдә туган кыз хезмәт сөючән булып...

    Тыл һәм хезмәт ветераны Җәмилә Хәйретдинова шушы көннәрдә 90 яшен билгеләде.
    Җәмилә апа олы юбилеен дүрт баласы, җиде оныгы һәм дүрт оныкчыгы янәшәсендә каршылый.
    - Аллага шөкер, балаларым тырыш, тәүфыйклы, акыллы, миһербанлы булып үстеләр, - ди Җәмилә Мөхәмәтзакировна.
    Башкортстанның Бакалы районы Килькабыз авылында күпбалалы гаиләдә туган кыз хезмәт сөючән булып үсә. Авылда 6 сыйныф белем алганнан соң, хезмәт биографиясен башлый. Бөек Ватан сугышы елларында Пермьдә хезмәт куя, ир-атлар гына эшли алырлык урман кисү, солдатларга итек басу япь-яшь кыз җилкәсенә төшә. Колхоз фермасында сыер савучы, бозау караучы булып эшләүче уңган кызга Мөҗәһит исемле егет гашыйк була. Алар бергә яшәү дәверендә гомер юлында очраган барлык шатлык-кайгыларны бергәләп кичерәләр. 40 елдан артык эш стажы булган Җәмилә пенсиягә чыккач та медпунктта санитар булып хезмәт куя. Фидакарьлегенә лаеклы бәя - күпсанлы Мактау грамоталары һәм медальләре.
    - Өченче бала тугач, Мөҗәһит Стәрлетамактагы авыл хуҗалыгы техникумында өч ел укыды. Берүземә гаиләне тартып бару җиңел булмады, - дип искә ала Җәмилә апа. - Тормыш иптәшем сугыштан соңгы елларда совхозда идарәче, ферма мөдире, агроном, председатель булып эшләде.
    Җәмилә апа 23 ел элек Менделеевскига күчеп килә. Бүген ул кызы Роза белән яши.
    - Әниебез тегү-чигү, бәйләмгә оста. Җыр-бию ярата, оста гармунчы да, - ди Роза, әнисенең яшьлек еллары турындагы истәлекләрен барлап. - Әтиебез 1943 елдан 1946 елга кадәр яу кырында була. Туган ягына сул кулы яраланып кайта, 52 яшендә бакыйлыкка күчә.
    Менделеевскида рәссам буларак танылган кызы Лилия дә сүзгә кушыла:
    - Әниемнең абыйсы сугышка кадәр Мәскәүдә эшләгән. Ул сеңлесенә биек үкчәле матур аяк киемнәре алып кайткан. Әниебез күлмәкләрне үзе текте, зәвыклы итеп киенә дә иде. Күршеләре аны үз итеп "Московская" дип йөрткәннәр.
    Ветеранның кызы Роза Мөҗәһитовна лаеклы ялда. Ул Яңа Менделеевск химия заводында смена начальнигы һ.б.вазифаи эшләр алып барган. Ике улы Түбән Камада һәм Казахстанда яши.
    Юбилярны район башлыгы исеменнән аның урынбасары Рөстәм Хәбибуллин, Социаль яклау идарәсе начальнигы Әлфия Салаватуллина, ветераннар советы рәисе Любовь Сорокина котладылар. Рөстәм Зиннурович Җәмилә апага Рәхмәт хаты, Рәсәй Президенты Владимир Путин открыткасын һәм чәчәк бәйләме тапшырды.

    Асия Мөхәммәтханова

    Рәис Сәхапов фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: