Менделеевск яңалыклары
  • Рус Тат
    • Җәмгыять

    Иж буенча йөзү: табигать белән гармониядә

    автор, 5 июнь 2013 - 04:49
    482
    0
    0

    Агымдагы Экология елында республикада, райондагы чаралар әйләнә-тирә мохитне саклау эгидасында уза. Бүген табигатьне бары тик төгәл эшләр белән генә сакларга мөмкин икәнлеген тирән төшенәбез. Табигатьнең матурлыгын төрлечә күзалларга була. Мәсәлән, корреспондентыбыз Вәсилә Мортазина май бәйрәмнәрендә Иж елгасыннан йөзде һәм тәэсирләрен газета укучылар белән дә бүлеште. Иж - Чулманның уң кушылдыгы....

    Агымдагы Экология елында республикада, райондагы чаралар әйләнә-тирә мохитне саклау эгидасында уза.
    Бүген табигатьне бары тик төгәл эшләр белән генә сакларга мөмкин икәнлеген тирән төшенәбез. Табигатьнең матурлыгын төрлечә күзалларга була. Мәсәлән, корреспондентыбыз Вәсилә Мортазина май бәйрәмнәрендә Иж елгасыннан йөзде һәм тәэсирләрен газета укучылар белән дә бүлеште.
    Иж - Чулманның уң кушылдыгы. Бу елга туризм белән шөгыльләнә башлаучылар өчен кулай. Маршрутыбыз Иж-Байка авылыннан Әгерҗе районының Түбә торак пунктына кадәр иде.
    Палатка, рюкзаклар, йокы капчыклары һәм башкалар белән җиһазланып, азык-төлек һәм су алып, юлга кузгалдык.
    Алты һәм дүрт урынлы катамараннарда йөздек. Барлыгы 12 кеше идек, һәр катамаранда алҗыган ишкәкчене алыштырырга запаста кеше булды.
    Йөзү - кызыклы мавыгу, ләкин авырлыкларны җиңәргә әзер булырга кирәк. Суда үскән куаклар һәм агачлар куркыныч тудыра: "тарак"ка эләгүең бар - агым катамаранны шул куаклыкларга алып керә һәм ботаклар сине "тарый". Төптәге корыган ботаклар судноны тишәргә мөмкин.
    Май башында Иж эрегән кар сулары хисабына киңәеп ага. Ә нигездә елга тәбәнәк ярлы, суы уртача сазланган тигезлектән юл алган, ярларында урыны-урыны бельн ылыслы һәм катнаш урманнар очрый.
    Сәяхәтебездән хәтергә уелган берничә мизгелне искә аласым килә:
    ♦ Су походларында әйберләр целлофан пакетка төрелә. Без дә шулай эшләдек. Эчәргә яраклы су запасын алдан кайгырттык. Үзебез белән алганы беткәч, торак пунктлардан эзләдек.
    ♦ Пешекчебез безне телеңне йотарлык йөземле дөге боткасы, борщ һәм консервадан уха белән сыйлады. Җитәкчебезнең кыр шартларында әзерләгән торты искиткеч иде.
    ♦ Суга төшкән курсташымны коткарырга теләгән җитәкчебез, ярдәмгә ашыккан бер кыз күз ачып йомганчы елга киңлегендә калдылар. Шунда коткару жилетларының кирәге чыкты.
    ♦ Чиста һава, кошлар сайравы, су өслегенең матурлыгы шәһәр ыгы-зыгысыннан ял итәргә мөмкинлек бирде, шул ук вакытта табигать белән гармониядә яшәргә омтылырга кирәклегенә төшендерде.
    Без ике көн эчендә унике чакрым юл үттек, бу туризмда беренче адымнарын ясаучылар өчен яхшы күрсәткеч.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск Менделеевск яналыклары Экология елы
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+