Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Ижёвка мәдәният йорты ишекләре яңа өйләнешүчеләр өчен ачык

Җомга көнне туганнары, авыл халкы, кунаклар мәдәният йортында дулкынландыргыч вакыйга - яшь парны теркәүнең шаһитлары булдылар. - Клубның яшь парлар өчен яраткан урынына әйләнүе куандыра. Биредә без җирлек башлыгы Валентина Пономарёва эгидасында тантаналы церемонияне оештыру өчен атрибутлар әзерләдек, учреждение хезмәткәрләре белән бергә гашыйклар почмагын төзекләндердек, территориягә чәчәкләр һәм декоратив куаклар...

Җомга көнне туганнары, авыл халкы, кунаклар мәдәният йортында дулкынландыргыч вакыйга - яшь парны теркәүнең шаһитлары булдылар.
- Клубның яшь парлар өчен яраткан урынына әйләнүе куандыра. Биредә без җирлек башлыгы Валентина Пономарёва эгидасында тантаналы церемонияне оештыру өчен атрибутлар әзерләдек, учреждение хезмәткәрләре белән бергә гашыйклар почмагын төзекләндердек, территориягә чәчәкләр һәм декоратив куаклар утыртттык, ял итү өчен эскәмия урнаштырдык. Мәдәният йорты каршында "Ата-ана кайгыртуы" тәрбиягә бала алган әти-әниләр клубы уңышлы эшли, - дип бүлешә директор Алла Затирко.
- Бүген Наталья Николаевна Рябова һәм Радик Ринатович Закорҗановның никахы теркәлә. Наталья Ижёвкага тугыз яшендә килә, Самариннар гаиләседә тәрбияләнә. Надежда Николаевна аның өчен икенче әнисенә, якын дустына һәм остазына әйләнә. Ул беренчеләрдән булып районда тәрбиягә бала кабул итүче гаиләләрнең ныклы нигезен төзеде. Изге эшләр эстафетасын ире Андрей белән килене Ирина Борисовна кабул итеп алды. Самариннарның кайгыртучан куллары аша 27 бала үтте. Шуларның бишесе инде гаиләләр корды. Бүген алар 13 бала тәрбиялиләр, - дип сөйли җирлек башлыгы Валентина Пономарёва.
Кияү егете тумышы белән Зәйдән. Ул яшь хатынын шунда алып китәчәк. Яшьләр социаль челтәрдә танышканнар.
- Натальяның фотосына карау белән, шунда ук аның минеке икәнен аңладым. Булачак кәләшем белән танышырга киттем, - ди Ринат.
Мендельсон вальсы яңгыравында никахлашу йоласы башлана. Балдаклар алмашу, ир белән хатынның беренче үбешүе һәм биюе - болар барысы да гашыйкларның исләрендә калыр. Туганнары һәм кунаклар яшьләргә изге теләкләр юллыйлар. Әти-әниләр бәхетле гаилә тормышына хәер-фатиха бирәләр.
- Никахыгыз ныклы булсын. Мәхәбәттә һәм үзара аңлашып яшәгез, - ди элек башкарма комитетның опека һәм попечительлек бүлеге начальнигы булган, бала кабул иткән гаиләләрне җентекле игътибарда тоткан, киңәшләре һәм эшләре белән ярдәм иткән Розия Бикметова. - Наташа минем күз алдында үсте. Бәхетле булыгыз!
"Бердәм Россия" партиясенең җирле бүлекчәсе башкарма комитеты җитәк-чесе Клавдия Смирнова да котлау сүзләре юллый:
- "Бердәм Россия" эгидасында яшь гаиләләрне яклап күп проектлар тормышка ашырыла. Программа кысаларында социаль ипотека буенча уңайлыклы фатир алырга була. Икенче бала туганда "Ана капиталы" шартлары үз көченә керә. Сезнең гаиләгез дә ныклы булсын!
Җыелганнар шампан шәраблы бокалларны яшьләрнең бәхете өчен күтәрделәр.
Лариса Кривилёва

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары вакыйга

2
X