Күңел диңгезгә тарта
26 июльдә Хәрби Диңгез флоты көне билгеләп үтелә. Бу бәйрәмдә хәрби моряклар, флот ветераннарын, үзенең язмышын илебезнең диңгез киңлекләрендә хезмәт итү белән бәйләгән кешеләрне тәбриклиләр. Менделеевлылар үзләренең флотта хезмәт итүләре турында сөйлиләр. Константин Мокшин: - Мин Калининград өлкәсенең Балтийск шәһәрендә хезмәт иттем. 26 ноябрьдә өйгә кайтканга 5 ел була. Командирның...
26 июльдә Хәрби Диңгез флоты көне билгеләп үтелә. Бу бәйрәмдә хәрби моряклар, флот ветераннарын, үзенең язмышын илебезнең диңгез киңлекләрендә хезмәт итү белән бәйләгән кешеләрне тәбриклиләр. Менделеевлылар үзләренең флотта хезмәт итүләре турында сөйлиләр.
Константин Мокшин:- Мин Калининград өлкәсенең Балтийск шәһәрендә хезмәт иттем. 26 ноябрьдә өйгә кайтканга 5 ел була. Командирның рация буенча: "Корабль хәрби походка әзерлән" дигәнен еш искә алам, минем тәнем чымырдап куя. Диңгезгә беренче чыгу дулкынландырды. Минем часть төп двигатель янында булды, аны кабызганнан соң, ниндидер курку басты, әмма бераздан шулай булырга тиешлекне аңладык. Бу хисләрне сүз белән әйтеп биреп булмый, кем хезмәт итмәгән, шул аңламый. Армия егетләрдән чын ир кеше ясый. Хәзер мин үз-үземә ышанам, җаваплы карарлар кабул итәргә сәләтле. Һәр егет армия хезмәте үтәргә тиеш дип саныйм.
Марат Гришин:
- Армиягә аңлы рәвештә киттем һәм хәрби диңгез флотына эләгергә теләдем. Североморскида хезмәт иттем, 2013 елның июлендә кайттым. Экипаж белән "Пётр Великий" авыр атом ракетасы крейсерында беренче мәртәбә Баренц диңгезенә чыгу истә калган. Ягулык тапшыру вакытында шторм кисәтүен игълан иттеләр. Бу мизгелдә башка тормыш башланды... Армиядән соң мин Россия флоты өчен горурлык кичерә башладым. Россия президенты Владимир Путинның корабль экипажына Нахимов ордены тапшыру өчен визиты мөһим вакыйга булды. Мин какшамас диңгезчеләр туганлыгын, тәэсирләндерүче өйрәнү, хәрби әзерлек мизгелләрен күрдем, һәм - Ватан сакчысы булуның нинди җаваплы миссия икәнлеген аңладым.
Владислав Гагарин:
- Минем Севастопольдәге диңгез пехотасының аерым бригадасына эләгүемә бер ел һәм бер ай үтте. Үземнең Кара диңгез флоты командасы составында булуымны белгәч - уңай хисләр генә кичердем. Бу вакыт эчендә хәрби һөнәргә өйрәндем. Урта диңгез киңлекләрендә йөздем. Босфор, Дарданелла бугазларын уздым. Сириянең Тартус портында булдык. Хәрби диңгез флоты көне минем өчен - ул барлык су асты һәм су өсте моряклары, шулай ук диңгез пехотачыларын берләштерүче бәйрәм. Хәрби диңгез флотында хезмәт иткән һәркем горурлана һәм телняшкасын ышаныч белән киеп йөри ала.
Азат Тимергалиев:
- Мин герой-шәһәр Севастопольдә Кара диңгез флотында диңгез пехотасының почётлы каравыл ротасында хезмәт итәм. Армиягә китүемә бер дә үкенмим.
Үз дәүләтеңне, ватаныңны, димәк гаиләңне, якыннарыңны һәм дусларыңны саклау - ул зур горурлык. Армия гомер буена истә калып сөйләрлек, онытылмас мизгелләр бүләк итә: Ватаныңа тугрылык хөрмәтенә ант кабул итү. Биредә Азат Тимергалиев юк, монда матрос Тимергалиев һәм аның хәрби иптәшләре, аларда мин беркайчан икеләнмим. Хәрби диңгез флоты көнен түземсезлек белән көтәбез. Севастопольдә - бу үзенчәлекле бәйрәм. Шәһәрнең һәр кешесе флот белән бәйле, һәр гаиләдә диңгезче яши. Әти-әниемә, энекәшләрем Тимур белән Булатка, Илгизәр һәм Сәлимә әбиләремә, шулай ук дусларым һәм мине ышаныч белән көтүче сөйгән кызыма ихластан зур рәхмәтләремне белдерәм. Барлык менделеевлыларга кояшлы Кырымнан сәлам юллыйм!
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84
