Менделеевские новости
  • Рус Тат
  • Күңеле һаман яшь

    Июнь башында хезмәт һәм тыл ветераны Галия Гариповна Исрафилова 80 яшьлек юбилеен билгели. Яраткан әни-әби якыннары өчен киңәшче, булышчы, һаман да һәркемгә кирәкле кеше булып яши белә. Олуг юбилей көнендә хуҗабикәнең фатирына дүрт баласы, 13 оныгы һәм 8 оныкчыгы һәм күп санлы туганнары җыелачак. Галия 12 балалы гаиләдә туып-үскән кыз...

    Июнь башында хезмәт һәм тыл ветераны Галия Гариповна Исрафилова 80 яшьлек юбилеен билгели. Яраткан әни-әби якыннары өчен киңәшче, булышчы, һаман да һәркемгә кирәкле кеше булып яши белә.
    Олуг юбилей көнендә хуҗабикәнең фатирына дүрт баласы, 13 оныгы һәм 8 оныкчыгы һәм күп санлы туганнары җыелачак. Галия 12 балалы гаиләдә туып-үскән кыз буларак, бар эшне бердәм җиң сызганып башкарып, зур өстәл артында бергә җыелганны хуплый. Тормышның ачы суын күп эчкән әтисез тәрбияләнгән бала авырлыкларны бер йодрыкта булганда гына җиңеп буласын бик иртә аңлый. Күңелендә мөгаллим булу хыялын йөрткән кызга Алабугада укытучылар әзерләү мәктәбендә бер ел гына белем алырга мөмкинлек чыга. Сугыштан соңгы михнәтле чор аны хезмәт юлына басырга этәрә. Галия торак-коммуналь хуҗалыгына эшкә урнаша һәм пенсиягә чыкканчы шунда тырыш хезмәт куя. Тормыш иптәше дә шул ук өлкәдә. Соңрак ата-ана үрнәгендә кызлары, уллары да торак-коммуналь хуҗалыгына киләләр. Миңнегөл - участок начальнигы, Әлфия хәзер лаеклы ялда. Зөфәр белән Айрат 5 нче разрядлы слесарьлар. Галия Исрафилова 40 елдан артык халыкка уңайлыклар тудыру эшендә гел үрнәклеләр арасында була. Мактау грамоталары, рәхмәт хатлары, медальләре моңа дәлил. Ул үзлегеннән ислам дине нигезләрен өйрәнгән. Аллаһы Тәгаләнең барлыгына, берлегенә инанып, биш тапкыр намазын укып көн күрә. Барысын догасыннан калдырмый, якыннарына Аллаһыдан тәүфыйк, сабырлык, иман тели. Ә без үз чиратыбызда, юбилярның тормышында бәрәкәт, сәламәтлек, тынычлык юлдаш булсын иде, дибез.

    Нравится
    Поделиться:
    Реклама
    Комментарии (0)
    Осталось символов: