Халык күзлегеннән заманча ишегалды

Алар үзләрен кызыксындырган сорауларны район башлыгы Валерий Чершинцевка һәм шәһәр службалары җитәкчеләренә бирә алдылар. Валерий Сергеевич проектның асылын аңлатты – йортта яшәүчеләрнең теләкләрен исәпкә алып ишегалдын төзекләндерү. Шулай итеп киләсе елга территория ябык беседка, эскәмияләр, иң кечкенәләр өчен уен элементлары, чүп урналары, өстәмә яктырту белән тулыланачак. Йорттагылар ишегалдында миләшләр һәм албакчаларда чәчәкләр утырту инициативасы белән чыктылар.

– Ремонттан соң албакчаларда төзелеш чүп-чары калды, – диделәр алар. – Бу җирне казырга комачаулый, чәчәкләр начар үсә яки бөтенләй алынып китә алмыйлар.

В.Чершинцев тиешле службалар вәкилләренә көздән чүп-чарны алу һәм уңдырышлы туфрак китерүне йөкләде. Биредә яшәүчеләр теләген искә алып албакчаларга эстетик койма тотылачак.

– Ишегалдыгызның матурлыгы өчен кайгыртуыгыз мактауга лаек, – дип аңлатма бирде Валерий Сергеевич, – кергәндә үк күзгә ташланганы – чәчәкләрнең күплеге. Шул ук рухта дәвам итегез!