Химиклар аллеясын үзгәрешләр көтә

Муниципалитетта хәбәр итүләренчә, иҗтимагый мәйданчык яңа тренажёрлар белән тулыландырылачак, юлны каты каплау белән эшләячәкләр.

– Шәһәрдә йөргәндә мин аннан еш узам, – дип аңлатма бирде район башлыгы Валерий Чершинцев. – Халык эскәмияләрне кире кайтаруны үтенә. Җавап бирәм, шәһәрнең бу өлеше – спорт өчен, аллея буенча йөрергә, йөгерергә, тренажёрларда һәм скандинавия йөреше белән шөгыльләнергә кирәк. Ә ял итү өчен «Дуслык» һәм «Ушковлар утраулары» парклары бар. Кешеләр ризалаша.