Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Күмәк тырышлык белән район чистарды

Районда территорияләрне җыештыру буенча икеайлык бара. 26 апрельдә республика өмәсе кысаларында күпчелек учреждениеләр һәм оешмалар коллективлары үз карамакларындагы участокларда эшләделәр. Геройлар аллеясында 1 нче мәктәп укучылары тырыша - узган елгы яфракларны, чүп-чарны җыештыралар. "Комфорт Успех+" ҖЧҖ хезмәткәрләре рәшәткәләрне буйый. Бу предприятиенең икенче төркеме Фомин урамында эшли, алар агач кәүсәләрен агарталар....

Районда территорияләрне җыештыру буенча икеайлык бара. 26 апрельдә республика өмәсе кысаларында күпчелек учреждениеләр һәм оешмалар коллективлары үз карамакларындагы участокларда эшләделәр.
Геройлар аллеясында 1 нче мәктәп укучылары тырыша - узган елгы яфракларны, чүп-чарны җыештыралар. "Комфорт Успех+" ҖЧҖ хезмәткәрләре рәшәткәләрне буйый.
Бу предприятиенең икенче төркеме Фомин урамында эшли, алар агач кәүсәләрен агарталар. Фомин урамындагы 19 нчы йортта урнашкан административ бинадагы учреждениеләр хезмәткәрләре өмәгә тулы составта чыкканнар. Уртак тырышлык белән шәһәр чистарды һәм матурланды.
- Безгә бу чисталыкны сакларга да өйрәнергә иде, - ди исемен атарга теләмәгән сәүдә нокталарының берсендәге җыештыручы. - Минем эш көнем шешә, кәгазь каплар, пластик савытлар җыюдан башлана.
Редакциянең иҗат төркеме Химиклар аллеясыннан үтте. Шәһәрленең сүзләрен раслап, әле тегендә, әле монда чүп-чар, ял мәйданчыкларында тәмәке төпчекләре ята.
- Территорияләрне җыештыру эшләре дәвам итә, - диде район башлыгы Игорь Привалов эшлекле дүшәмбе киңәшмәсендә. - Ишегалды һәм балалар мәйданчыклары предприятиеләргә беркетелде, агачларны кисү бара.
Искеләре урынына яңалары утыртыла.
- Җомга көнне шәһәрдә 1250 данә яшь миләш, каен, чыршылар, куаклар утырттык, - ди район лесничие Миңнегаян Мөхәммәтҗанов. - Авыл җирлекләренә 1000нән артык үсенте бирелде.
Бу эшкә мәдәният хезмәткәрләре дә актив кушылды. Алар сугыш елларында һәлак булган якташларга һәйкәлләр янында Геройлар аллеялары, скверлар утырту инициативасы белән чыктылар. Татар Чаллысы авылында, Мәдәният йорты янәшәсендә сквер барлыкка килде. Җирлек башлыгы Татьяна Кузнецова, Мәдәният идарәсе начальнигы Лилия Галиева, авыл мәдәният йорты хезмәткәрләре, укучылар катнашында һәйкәл территориясендә 115 агач һәм куак утыртылды.
Шәһәрне һәм авылларны яшелләндерү дәвам итә. Бөек Җиңү көне алдыннан агач утырту йомгаклау аккорды булачак.
Рәхилә Мирзаянова

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары Территория

2
X