Корбан гаете районыбызның “Таң” мәчетенә

Хезмәт ветераны Р.Плитман шушы көннәрдә олуг юбилеен билгеләде. Актив тормыш позициясе, шәһәр тормышында актив катнашуы, күпкырлы таланты нәтиҗәсендә аның исеме һәркемгә диярлек таныш.

М.Семенова

Римма Ивановнаның тормыш юлы Менделеевск шәһәре белән шуның кадәр тыгыз бәйләнгән, күпләр хәтта аны тумышы белән Бондюгтан дип исәплиләр. Әмма ул Бәзәкәдә туган. Дөрес, соңрак гаиләләре поселокка күчеп килгән. Барлык якыннары, туганнары җыелган бәйрәм табыны артында борынгы рус җырларын яңгырату - Римманың балачак хатирәләренең иң күңелгә уелып калганнарыннан берсе. Күмәкләшеп җырлаганда аның көчле тавышы ышанычлырак яңгыравын дәвам итә, еллар узган саен гадәти булмаган тәэсирле яңгыраш ала. Җырга мәхәббәте аны гомере буена озата килә. Ялгыз җырларга таланты гына түгел, оештыру сәләте дә көчле булган кыз мәктәп тәмамлагач данлыклы Гассар клубына эшкә килә, анда җиде ел буена балалар иҗатының 13түгәрәген җитәкли. Авыл халкы һәм бондюглылар аның шәкертләре, бигрәк тә балалар хоры чыгышын сокланып тыңлый.

Өлкән яшьтәгеләр сөйләвенчә, ул елларда поселокта мәдәни тормыш гөрли һәм бу максатта Римма Ивановнаның өлеше зур була. 1964-1970 елларда ул Гассар исемендәге клубның азат ителгән идарә рәисе була, барлык концерт, бәйрәм, тантаналы чараларда катнаша. Карпов исемендәге химия заводының 100 еллыгына багышланган концерт Р.Плитман өчен һөнәри өлкәдә җитди сынау була, чөнки әлеге тантанага илнең төрле почмакларыннан кунаклар җыела. Концерт программасы уңышлы була: цехларның җыелма хоры, тынлы һәм кыллы оркестрлар, вокаль - инструменталь ансамбль, солистлар һ.б лар чыгыш ясый.

Химия-технология техникумын тәмамлаган Римма Ивановна Карпов исемендәге заводка кайта. Аппаратчы, диспетчер буларак күпъеллык намуслы хезмәте Мактау грамоталары, күкрәк билгеләре лаеклы бәяләнә. Безнең язмабыз герое Мактау тактасын берничә тапкыр бизи. Җитештерү эшчәнлеге белән беррәттән үзешчән сәнгать смотрларына коллективларны әзерли, "Дружный" пионер лагеры директоры булып эшли. Ветеранның гомуми эш стажы 55 елга тула. Һөнәр училищесына 11 ел гомерен багышлый.

Ветераннар хоры солисты, халык җырларын башкаручы буларак Римма Ивановна тамашачы мәхәббәтен яулаган. Аның рус җырларын башкару патшабикәсе Людмила Зыкина тавышы белән чагыштыра торган чын халыкчан тавышы тыңлаучыга көчле тәэсир ясый. Сәхнә образы, башкару алымы, репертуары барлык ваклыкларына хәтле җентекләп уйланылган.

Р.Плитман якты шәхесләр рәтенә керә. Ул зифа буйлы, төз гәүдәле, талантлы хатын, туры сүзле, көчле характерлы кеше. Әмма аның күзен яшьләндерә торган тема - ул Әфганстан, улы Сергей анда хезмәт иткән ике ел дәвамында ире Вадим Григорьевич, кызы Ирина белән берлектә кайтыр көннәрен санаганнары әле дә хәтереннән китми. Бүгенге көндә балалары, оныклары һәм оныкчыкларына ул йөрәге җылысын өләшә. Ана, гаилә учагын саклаучы, халык традицияләрен үсеп килүче буынга тапшыруда үзеннән өлеш кертүче буларак та тирән ихтирамга лаек шәхес ул.

Фото гаилә архивыннан