Коронавирус - район җитәкчелеге контролендә

Халыкның санитар-эпидемиологик иминлеген тәэмин итү максатында Татарстан территориясендә 30 марттан 3 апрельгә кадәр көннәр хезмәт хакын саклап калу белән ял көннәре дип игълан ителде.

Муниципалитетта хәбәр итүләренчә, РФ Хөкүмәте карары нигезендә әлеге чаралар түбәндәгеләргә кагылмый:

• өзлексез гамәлдә булган оешмаларга,
• медицина һәм даруханәләр учреждениеләренә,
• халыкны азык-төлек һәм беренчел кирәкле товарла белән тәэмин итүче оешмаларга,
• гадәттән тыш хәлләр шартларында кичектергесез эшләр башкаручы оешмаларга,
• кичектергесез ремонт һәм төяү-бушату эшләре башкаручы оешмаларга.

Менделеевлыларга тагын бер кат исәртәбез: шәхси гигиена таләпләрен үтәгез, сәяхәтләрдән һәм кеше күп җыела торган урыннарга барудан тыелып торыгыз, балаларыгызның иминлеген тәэмин итегез.