Менделеевск яңалыклары
  • Рус Тат
  • Койма артында башка тормыш

    Мәктәп тыкрыгының 1 нче йортында яшәүчеләр редакциягә гозер белән мөрәҗәгать итте. Моңа Фомин урамындагы икекатлы йортлар артында хасил булган чүплек сәбәпче булды. Анда яшәүчеләр сүзләренчә, алар төрле инстанцияләргә мөрәҗәгать иткәннәр, ләкин нәтиҗәсе һаман юк. Без урында булдык һәм проблеманың көн кадагындагы гына түгел, янәшә-тирәгә сасы ис таратучы да икәнлегенә инандык....

    Мәктәп тыкрыгының 1 нче йортында яшәүчеләр редакциягә гозер белән мөрәҗәгать итте. Моңа Фомин урамындагы икекатлы йортлар артында хасил булган чүплек сәбәпче булды.
    Анда яшәүчеләр сүзләренчә, алар төрле инстанцияләргә мөрәҗәгать иткәннәр, ләкин нәтиҗәсе һаман юк. Без урында булдык һәм проблеманың көн кадагындагы гына түгел, янәшә-тирәгә сасы ис таратучы да икәнлегенә инандык.
    Эш шунда, икекатлы йортларда яшәүчеләрнең уңайлыклары ишегалдында. Шунлыктан күпләрнең өендә табигый йомышларын үтәү өчен чиләк тора. Ул һәр көнне иртән йорт артына түгелә. Ә урамдагы бәдрәф тулган, аның янына килерлек тә түгел. Өч метр ераклыктан (якынрак килү мөмкин түгел) без чүплектәге әйберләрне күзәтәбез - кием-салым, йорт җиһазлары, тузган аяк киеме һәм башкалар, барысы да ботаклар белән капланган. чүп-чарны өстенә әйбер ташлап яшереп була, ә менә андагы исне бер ничек тә бетереп булмый. Менделеевлылар проблеманы санитария нормалары бозылу сәбәпле генә түгел, ә тормышка куркыныч янаган өчен дә күтәрәләр. Бу җирле һәм килгән бомжларның яшәү урыны. Кичләрен шау-шулы компания монда вакытын күңелле үткәрә, ә аларга ял итәргә урын бар - ерак түгел ватык диван калдыклары. Ташландык сарайларда куналар. Әти-әниләр якын-тирәдәге мәйданчыкка балаларын җибәрергә куркалар, ни булмас... Озакламый уку елы башланачак һәм йөзләгән бала шушы урынны узып 4 нче мәктәпкә йөриячәк.
    - Чикагодагы кебек яшибез, - дип сөйли билгеле сәбәпләр белән исемен атарга теләмәгән ир-ат. - Йорт янында чәчәк түтәлләре ясадык, ишегалдын чисталыкта тотабыз, ә койма артында башка тормыш башлана. Мондый күршелектән, дөресен әйткәндә, туйдык без.
    "Экопром" предприятиесе мастеры Руслан Гришинга аңлатма бирүен сорап мөрәҗәгать иттек. Аның сүзләренчә, Фомин урамындагы 14 һәм 16 нчы йортлар авария хәлендәге торак исәбенә керә. Якын киләчәктә 14 нче йортта яшәүчеләрне Татарстан урамына күчерү көтелә. Шул сәбәпле, кайберәүләр иске йорт җиһазларын урамга чыгарып ташлыйлар, тиз арада күләме арта торган чүплек менә шулай хасил була.
    Йортта яшәүчеләрнең мөрәҗәгате полициянең участок вәкиле Геннадий Евдокимовка юлланды.
    Вәсилә Мортазина
    Гөлүзә Гыйләҗетдинова

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: