Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Кыш– янгын куркынычы булган чор

Һәр кеше үзенә уңайлылык тудырырга омтыла. Ләкин саксызлык, игътибарсызлык, кагыйдәләрне белмәүдән чыккан янгын барлык мал-мөлкәтне күз ачып йомганчы юк итәргә мөмкин. Статистика буенча, янгыннарның 80 проценты торак секторда була. Ремонт эшләре, торбалар алмаштырганда электр һәм газ белән эретеп ябыштыру һәм башка ут приборлары белән эшләгәндә җитди куркыныч туарга мөмкин. Кайвакыт...

Һәр кеше үзенә уңайлылык тудырырга омтыла. Ләкин саксызлык, игътибарсызлык, кагыйдәләрне белмәүдән чыккан янгын барлык мал-мөлкәтне күз ачып йомганчы юк итәргә мөмкин.
Статистика буенча, янгыннарның 80 проценты торак секторда була. Ремонт эшләре, торбалар алмаштырганда электр һәм газ белән эретеп ябыштыру һәм башка ут приборлары белән эшләгәндә җитди куркыныч туарга мөмкин. Кайвакыт йортларда җылыту системасының төзексезлеге сәбәпле торбалар ката һәм коммуналь служба хезмәткәрләренең торбаны эретү лампасы һәм факел ярдәмендә җылытуын күрергә була, югыйсә, куркынычсыз ысул бар - пар яки кайнар су белән җылыту.
Ягу сезоны башланыр алдыннан мичнең, төтен юлларының төзеклеген тикшерергә, андагы корымны чистартырга, ярыкларын сыларга, төтен чыга торган торбаны агартырга кирәк. Төтен юлларын өч ай саен корым җыелудан чистарту зарур.
Салкыннар башлануга, электр чыбыкларына көчәнеш арта, чөнки электр приборлары күбрәк кабызыла. Аерым очракларда кыска ялганыш электр чыбыклары иске булганлыктан һәм артык көчәнеш белән эшләгәнлектән килеп чыга, ул янгынга этәргеч булырга мөмкин. Беркем өчен дә сер түгел, күп йортларда, бигрәк тә искеләрендә, электр чыбыклары таушалган. Инструкция нигезендә завод җитештергән электр приборларыннан гына файдаланыгыз.
Янгын чыкканда кеше гомерен саклап калуны тәэмин итү аларны вакытында эвакуацияләүгә бәйле. Эвакуация юллары - бердәнбер котылу чарасы. Коридор, холл һәм баскыч мәйданчыкларына әйбер тутырмагыз, стена һәм түшәмнәрне тиз кабынучан материаллар белән төрмәгез.
Янгын чыкканда кичектермичә 01 телефоны буенча хәбәр итәргә кирәк, мобиль телефоннан - 112. Янгын сүндерүчеләр килгәнче кешеләрне коткару һәм утны сүндерү буенча чаралар күрегез, янгыннан сак бүлегенә ярдәм күрсәтегез.
Район буенча күзәтчелек эшчәнлеге бүлеге кабат искәртә: торак, милекне һәм якыннарыгызның гомерен саклап калу сезнең мөнәсәбәтегезгә бәйле.
Е.Нагорных, күзәтчелек эшчәнлеге бүлеге инспекторы, эчке служба лейтенанты

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары МЧС хђбђр итђ

2
X