Үлем белән сәүдә иткәннәр

Менделеевск районы авылларының берсендә яшәүче 27 яшьлек хатын-кыз наркотик саткан өчен тоткарланган.
Аларның өендә 20 үлчәм тарту өчен катнашма табылган. Элек балалар бакчасында пешекче булган биш яшьлек бала анасы шундый кәсеп белән акча эшләргә теләгән. 31 яшьлек ире дә шул "бизнес"та булган. Җинаятьчеләр артык саклык та күрсәтмичә урамда кара гамәл белән шөгыльләнгәннәр. Наркотик әйләнешен тикшерүче полицейскийлар ир белән хатынны җинаять өстендә тотканнар. Җиңел акча табучыларга 20 шәр елга ирегеннән мәхрүм итү куркынычы яный, - дип белдерәләр федераль служба идарәсендә.