Менделеевск яңалыклары
  • Рус Тат
  • Менделеевскида Алабуга институты көне

    23 гыйнварда "Юность" район мәдәният йортында Казан федераль университетының Алабуга институты вәкилләре һәм мәктәп укучылары очрашуы булды. Беренче авыздан мәгълүмат Фойеда интерактив күргәзмә оештырылды. Факультет вәкилләре үз ачышларын күрсәттеләр, буклетлар өләштеләр, сорауларга җавап бирделәр. Сыйныфташлар Рүзәл Бекбутаев һәм Константин Зырянов күргәзмәне игътибар белән карыйлар, техфакны эзлиләр, алар үзләрен нәкъ менә...

    23 гыйнварда "Юность" район мәдәният йортында Казан федераль университетының Алабуга институты вәкилләре һәм мәктәп укучылары очрашуы булды.
    Беренче авыздан мәгълүмат
    Фойеда интерактив күргәзмә оештырылды. Факультет вәкилләре үз ачышларын күрсәттеләр, буклетлар өләштеләр, сорауларга җавап бирделәр.
    Сыйныфташлар Рүзәл Бекбутаев һәм Константин Зырянов күргәзмәне игътибар белән карыйлар, техфакны эзлиләр, алар үзләрен нәкъ менә шул факультет студентлары итеп күрәләр. 1 нче гимназиянең 11 нче сыйныф укучысы Анастасия Вахонина белгечлек сайлауны төгәл аныкламаса да, Алабуга институтын һөнәр алу өчен кулай дип саный.
    Балалар университеты
    Шәһәр мәктәпләренең түбән сыйныф укучылары бер сәгатькә үзләрен студент роленә куя алдылар. Мондый мөмкинлек Алабуга институты укытучылары өченче ел гамәлгә ашыра торган "Бала университеты" мәгариф проекты нәтиҗәсендә барлыкка килде. Район мәдәният йорты быелгы студентлар белән тулы. Алар тарих фәннәре докторы, профессор Инга Маслованың "Нәрсә ул университет?" темасына
    лекциясен тыңладылар, доцент Светлана Грахова белән берлектә "Анда, таныш түгел юлларда күренми торган хайваннар эзләре" исемле әкият геройлары турында тикшеренү үткәрделәр. Бокс буенча спорт мастеры Елена Багнюк тамашачы белән күнегүләр үткәрде.
    - Миңа дәрестә утыру, бигрәк тә табышмаклар чишү ошады, - ди 2 нче мәктәпнең 4 нче сыйныф укучысы Диана Кондратенко.
    Гасырлык традицияләр,
    уникаль мөмкинлекләр
    Очрашу югары уку йорты турында видеофильм белән ачылды. Институт директоры Елена Мерзон өлкән сыйныф укучыларына мөрәҗәгать итте.
    - Узган елда безнең югары уку йортына 115 ел тулды. Институт базасында 10 факультет эшли. Студентларга яхшы уку һәм идеяләрен гамәлгә ашыру өчен шартлар тудырылган: яңа лабораторияләр, заманча лингафон кабинетлары ачылды, яңа җиһазлар кайтарылды, тулай торагы бар. Безнең институтта Менделеевскидан 200 студент укый, бу өлкәдә район җитәкчелеге һәм педагогик коллективларның өлеше бар, - дип саный Елена Ефимовна, район башлыгы һәм укытучыларга Рәхмәт хатлары тапшырып. Алар арасында Алабуга дәүләт педагогия институтын тәмамлаган Ольга Красильникова, Татьяна Миңнегалиева, Татьяна Маева һ.б.лар бар.
    Минем перспективам -
    Менделеевск химия заводы!
    Менделеевск студентлары Мария Карманова һәм Рада Сибгатуллина студент тормышыннан алган тәэсирләре белән уртаклаштылар.
    - 2015 елда "Аммоний" химия гиганты куллануга тапшырылачак, димәк, шәһәр үсәчәк, безгә квалификацияле кадрлар кирәк булачак. Янәшәдә яшь белгечләр чыгаручы институт булуы куандыра, - диде район башлыгы, "Бердәм Россия" партиясенең җирле бүлекчәсе сәяси советы секретаре Игорь Привалов.
    Очрашу концерт белән тәмамланды.

    Вәсилә Мортазина

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: