Менделеевск яңалыклары
  • Рус Тат
  • Менделеевскида авыл хуҗалыгы ярминкәләре башланды

    Авыл хуҗалыгы продуктларын җитештерүчеләр шәһәрлеләрне экологик чиста продукция белән шатландыралар. Дөресен генә әйткәндә, «Юность» РМЙ мәйданында машиналар күп түгел иде.

    – Ит китермиләр, – дип зарланалар менделеевлылар.

    Авыл хуҗалыгы идарәсендә аңлатуларынча, аграрийлар һава торышы җылы булганда терлек суярга җөрьәт итмиләр, ит ассортименты соңрак булачак. Шимбә көнне шәһәр халкына яшелчә, кош-корт ите, бал һәм бал эшләнмәләре, бөртеклеләр, куаклар һәм күпьеллык чәчәкләр үсентеләре, ит ярымфабрикатлары тәкъдим ителде.

    Гөлчирә Имамиева фураж алырга килгән.

    – Тавык тотабыз, кышка запас алып куярга исәплибез, – дип фикерләре белән уртаклаша хезмәт ветераны.

    «Алтын башак» авыл халкын бөртеклеләр белән сөендерде. Машиналар янында шунда ук чират хасил булды, арпа, солы, бодайны санаулы минутларда сатып алдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: