Менделеевскида ябык спорт манежы төзеләчәк

Якын арада иске бинаны сүтүгә керешәчәкләр. Район башлыгы Валерий Чершинцев билгеләвенчә, бала табу йорты мәсьәләсе күптәннән көн үзәгендә булды. Аны сүтү 2019 елның ноябрендә үк башланырга тиеш иде.

— Ниһаять, мәсьәлә хәл ителде. Моңа кадәр җир участогы муниципалитетка, ә бина Дәүләт торак фонды карамагында иде, хәзер бала тудыру йорты хакимияткә күчерелде. Озакламый аны сүтүгә керешәбез. Урынында 2023 елда ябык спорт манежы төзелә башлаячак, — диде Валерий Сергеевич.