“Мәңгелек батырлык”

Республиканың Эчке эшләр министрлыгы Җиңү көненә шундый исемле акция игълан итте.
4-31 май дәвамында полиция хезмәткәрләре, аларның гаиләләре, ветераннар өч номинациядә үзләрен сыный алалар. "Безнең истә, без горурланабыз" дип аталганы балалар рәсемнәре конкурсы буларак оештырылачак. Җыр башкару, музыкаль инструментларда уйнау осталыклары булган хокук саклаучылар "Җиңү моңы, Ватаным моңы" иҗади бәйгесендә катнашачаклар. Өченче номинация - "Беркем дә һәм бернәрсә дә онытылмады" - каләм тибрәтүчеләрне иҗади ярышка чакыра. Теләүчеләр үзләренә якын номинацияне сайлап, конкурста катнаша алалар.