“Мин каршы”

Наркотиклар куллануга каршы Бөтенроссия акциясендә шәһәрнең яшьләр клублары актив катнашты.
"Патриот" яшүсмерләр берләшмәсенә йөрүче укучылар "Мин каршы" дип аталган викторинада белемнәрен сынадылар. Ике төркемгә бүленгән патриотлылар үлемгә китерүче наркотиклар турында алып баручы Н.Латыйпованың сорауларына җавап эзләделәр: "Нәрсә ул наркотиклар?", "ул төркемгә нинди матдәләр керә?", "Яшь организмга нинди зыян сала?" һ. б.лар. Җыелганнар алдында чыгыш ясаган полиция өлкән лейтенанты һәм капитаны А.Фәйзрахманов, Д.Гасанов наркотиклар куллануга һәм таратуга каршы гамәлдәге законнар белән таныштырдылар. Чарага килүче яшүсмерләрнең фикерләре бер булды: без наркотикларга каршы.