Менделеевские новости
  • Рус Тат
  • Минем кечкенә ишегалдым

    Фомин урамындагы 21 нче йорт 25 еллыгын билгеләп үтте. Анда яшәүчеләр ишегалдына керү урынында барлык кешеләрне тәмле ризыклар, камыр ашлары, шул исәптән татарның традицион милли ризыгы - чәк-чәк белән сыйладылар. Дәртле музыка, төрле төстәге шарлар, рәсемнәр, балаларның шат тавышы кәефне күтәрде. - Бу кызыклы идеяне хуплап чыктык һәм кулдан килгәнчә...

    Фомин урамындагы 21 нче йорт 25 еллыгын билгеләп үтте.

    Анда яшәүчеләр ишегалдына керү урынында барлык кешеләрне тәмле ризыклар, камыр ашлары, шул исәптән татарның традицион милли ризыгы - чәк-чәк белән сыйладылар. Дәртле музыка, төрле төстәге шарлар, рәсемнәр, балаларның шат тавышы кәефне күтәрде.
    - Бу кызыклы идеяне хуплап чыктык һәм кулдан килгәнчә ярдәм иттек, - ди "Нептун" идарәче компаниясе директоры Алмаз Искаков.
    Фанфара яңгыравы астында тантананы алып баручы Гөлгенә Шалаумова, концерт программасын ачар алдыннан, юбилей кичәсе белән тәңгәл килгән капиталь ремонтның тәмамлануы турында әйтеп үтте. Көчле алкышлар астында ремонт-төзелеш бригадасы составында армый-талмый эшләгән Дилүс Әхмәтовка, Валерий Федоровка, Юрий Разживинга, Шакировлар гаиләсенә йортта яшәүчеләр исеменнән рәхмәт белдерде. Балалар аларга сюрприз әзерләгәннәр: бераз дулкынланып, үзләре иҗат иткән шигырь юлларын укыдылар.
    Район Советы җитәкчесе урынбасары Рөстәм Хәбибуллин котлау сүзе белән мөрәҗәгать итте:
    - Ремонт эшләренә 18 миллионга якын акча сарыф ителде. Кайнар һәм салкын су торбалары алыштырылды, йорт түбәсе, подъездлар ремонтланды. Яңартылган йортта юбилей үткәрү икеләтә күңелле. Бәйрәм ясау тәкъдиме белән безгә йорт комитеты рәисе мөрәҗәгать итте.
    Хезмәт күрсәтүче предприятиеләр җитәкчеләренә Рәхмәт хатлары тапшырылды.
    Концерт программасын иҗади номерлар һәм күңелле викторина алыштырды, ишегалды тарихын яхшы белүчеләр дә табылды: беренче подъезд 12 ле саны астында икән, ә соңгысы - 11 ле.
    Бәйрәмдә күрше йортларда яшәүчеләр дә катнашты. Тимофеевлар гаиләсе Фомин урамының 22 нче йортында яши. Кече кызлары Аринага батутта сикерү һәм тәмле ризыклар белән сыйлану ошады. Әнисе Александра Игоревна озакламый аларның йорты да яңарыр һәм шулай ук кунаклар кабул итәр дигән ышаныч белдерде.
    Бәйрәм кичәсе "Төзүчеләргә рәхмәт" һәм "Ишегалдының хыялы" исемле рәсемнәр конкурсында җиңүчеләрне бүләкләү белән тәмамланды.

    Нравится
    Поделиться:
    Реклама
    Комментарии (0)
    Осталось символов: