Менделеевск яңалыклары
  • Рус Тат
  • Наилә апа Мөхәмәтдинова Сталинның үзе белән сөйләшкән

    Безгә бу турыда уникаль шәхес - районның беренче машина йөртүче хатын-кызы, тыл ветераны Наилә Мөхәмәтдиновна Мөхәмәтдинова 90 яшьлек юбилее көнендә сөйләде. - Вакыйга 1942 елда, Мәскәү астындагы сугышларның иң кызган мәлендә булды. Миңа безнең химзаводта чыгарылучы снарядлар өчен төтенсез дарыны башкалага илтү йөкләнде. Ул вакытта мин Бондюг автоколоннасында машина йөртүче...

    Безгә бу турыда уникаль шәхес - районның беренче машина йөртүче хатын-кызы, тыл ветераны Наилә Мөхәмәтдиновна Мөхәмәтдинова 90 яшьлек юбилее көнендә сөйләде.
    - Вакыйга 1942 елда, Мәскәү астындагы сугышларның иң кызган мәлендә булды. Миңа безнең химзаводта чыгарылучы снарядлар өчен төтенсез дарыны башкалага илтү йөкләнде. Ул вакытта мин Бондюг автоколоннасында машина йөртүче булып эшли идем, уйлап та тормыйча, ЗИСымның руле артына утырдым. Хәрби продукцияне катгый билгеләнеше буенча һәм тиешле срокта илтеп җиткердем. Биремне үтәвем турында Иосиф Сталинга шәхсән хәбәр иттем. Ул куркыныч йөкне бернинди озатусыз алып баруыма гаҗәпләнде, кайтыр юлга ике солдаттан сак билгеләде, - дип сөйли Наилә апа.
    - Минем әнием - батыр хатын. Һәркем дә шофёр һөнәрен сайларга җөрьәт итмәс иде. Ә ул 17 яшеннән 44 ел дәвамында илебезнең иксез-чиксез киңлекләрен иңләде, үз эшен җаваплы һәм намуслы башкарды. Рульдән төшкәч тә, транспорт предприятиесендә механик булып эшләде, - дип бүлешә улы Ринат Маратович.
    Ринат үзе дә батыр әнисе сукмагыннан киткән, шофёр һөнәрен сайлаган. Лаеклы ялга чыкканчы АТПдә автобус йөртүче булып эшләгән.
    - Язмыш әнигә мәрхәмәтле булды. Мөгаен эшсез утыра алмаганга, актив яшәү рәвеше алып барганга, әйләнә-тирәдәгеләргә киңәшләре белән дә, эшләре белән дә ярдәм иткәнгәдер. Һәм ул бүген дә, өлкән яшенә карамастан, көр күңелле, аек акыллы, йорт мәшәкатьләрен башкарырга тырыша, - ди улы.
    - Күбрәк хәрәкәтләнер өчен, идәнне дә үзе юа, - дип өсти яраткан килене Галина Сергеева.
    Галина Салиховнаны менделеевлылар яхшы белә. Ул озак еллар үзәк больницада акушерка булып эшләде. Сәламәтлек саклау өлкәсендәге фидакарьлеге һәм озак еллар намуслы хезмәте өчен быел РФ Сәламәтлек саклау министрлыгының Мактау грамотасы белән бүләкләнде.
    Истәлекле дата уңаеннан юбилярны башкарма комитет җитәкчесе урынбасары Павел Миронов, Социаль яклау идарәсе начальнигы Әлфия Салаватуллина, ветераннар советы рәисе Любовь Сорокина тәбрикләделәр.
    Алар Наилә Мөхәмәт-диновага чәчәк букеты һәм район башлыгы Игорь Приваловтан бүләк белән Россия Президентының исемле открыткасын да тапшырдылар. Сугыш һәм тыл ветераннарына мондый адреслы котлау - тормышлары һәм сәламәтлекләре бәрабәренә җирдә тынычлыкны яклаганнары өчен тирән хөрмәт билгесе.
    Бу көнне предприятие ветеранын АТП хезмәткәрләре дә онытмады. Алар коллектив исеменнән Наилә Мөхәмәтдиновнаны юбилее белән тәбрикләделәр, ныклы сәламәтлек, иминлек һәм оптимизм теләделәр.

    Лариса Кривилёва

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: