«Никах» китабы «Казан утлары» журналында басылды
«Казан утлары» журналы Башкортстанда яшәп иҗат итүче татар язучысы Хисаметдин Исмәгыйлевның «Никах» китабын бастырып чыгарды.
Китапның беренче нөсхәсен журналның баш мөхәррире Рөстәм Галиуллин «Татмедиа» акционерлык җәмгыяте генераль директоры Шамил Садыйковка бүләк итте.
Сюжет үзәгендә — Әфган сугышында катнашкан татар егете. Ул таулар илендә әсирлеккә эләгә, исән кала, моның өчен шундагы кызга өйләнә, соңыннан качып китә. Еллар узгач, хатыны рэкетирга әйләнә… Кыскасы, бик мавыктыргыч сюжет.
Шамил Садыйков «Халыкка ошар дип ышанабыз», — дип белдерде.
Хисаметдин Исмәгыйлевнең «Никах» китабы якын арада Татарстанның һәрбер шәһәрендә һәм районында, шулай ук Башкортстанда сатуга чыгачак.
Следите за самым важным и интересным в Telegram-каналеТатмедиа
Нет комментариев