Патриотизм – тәрбиянең нигезе

"Патриот" үзәгендә яшьләрнең шәһәр советы депутаты, Кеше хокуклары буенча вәкил ярдәмчесе Илсөяр Гобәйдуллина белән очрашуы узды.
Дөньядагы сәяси хәл, Украинадагы вакыйгаларны тәртипкә салуда Россиянең роле клуб шәкертләре һәм тренерлар белән кара-каршы сөйләшү темасы булды.
- Безнең бурыч - бу катлаулы чорда илебез җитәкчелеге сәясәтен хуплау, - дип билгеләп үтте Илсөяр Хәбибулловна. - Тарихны, халкыбызның героик үткәнен, рухи мирасын белү шәхес, патриотик хисләр тәрбияләүнең төпле нигезе булып тора.
"Патриот" клубы директоры Андрей Шарашкин башкарылган эшләр турында сөйләде, клуб шәкертләре катнашкан чаралардан слайдлар һәм фотографияләр күрсәтте. Теләгән һәр кеше клуб әгъзасы була ала.