Постамент бар, һәйкәл куелмаячак

Менделеевлылар газета битләрендә күтәргән сорауларның барысын да без район Башкарма комитетына юллыйбыз. Шушы көннәрдә Менделеевск Башкарма комитеты җитәкчесе Равил Хисаметдиновтан газета укучыларның кайбер мөрәҗәгатьләренә җавап килде.
"Химиклар урамының 5 нче йортында яшәүчеләр исеменнән балалар мәйданчыгын төзекләндерүне күтәрәм. Биредә атынгычлар, таучыклар ватык, балаларга уйнар урын юк".
Галина Овечкина
Җавап: Химиклар урамындагы 5 нче йорт ишегалды "Спецстрой" предприятиесенә беркетелгән.
 "Химиклар аллеясында Петр Капитонович Ушковка һәйкәл кайчан куелачак", - дип сораган иде Равил Шәйдуллин.
Җавап: Химиклар аллеясында П.К.Ушковка һәйкәл кую планлаштырылмый.
 "Интернационалистлар бульварында ни өчен тәзекләндерү эшләре туктатылды?"
Анастасия Конюхова
Җавап: Юбилейная урамындагы Интернационалистлар бульварында 2013 елга планлаштырылган төзекләндерү эшләре төгәлләнде. Торшер яктыртуын урнаштыру, эскәмияләр һәм урналар кую 2014 елга планлаштырылган.
 "Хуҗасыз этләр шәһәрлеләр тормышы һәм сәламәтлеге өчен куркыныч тудыра. Аларның кешеләргә һөҗүм итү очраклары булды", - дип хәбәр итә Е.Козакова.
Җавап: Хуҗасыз этләрне тоту салкыннар башлану белән оештырылачак.
 "Тын Тауда яшәүчеләр тимер юл аркылы салынган күпердәге тротуарларның начар торышына зарланалар, аеруча өлкәннәр үтә алмый", - дип яза Халидә Фәрхетдинова.
Җавап: Юлның бу участогы "Россия тимер юллары" ААҖ филиалы булган Куйбышев тимер юлы балансында. Район муниципалитеты әлеге объектны норматив торышка китерү турында баланс тотучыга берничә тапкыр мөрәҗәгать юллады. Хәзерге вакытта күперне муниципаль милеккә тапшыру эше бара. Объект шәһәр балансына кабул ителгәннән соң, аны тотуга игътибар биреләчәк.

 Ленин, Северная урамнарында яшәүчеләрне карт агачлар торышы борчый.
Җавап: Карт агачларны кисү эшләре 2013-2015 елларга төзекләндерү программасы кысаларында башкарылачак.
 Профсоюзная урамының 3 нче йортында яшәүчеләр капиталь ремонт үткәрү кирәклеге белән редакциягә күп тапкырлар мөрәҗәгать иттеләр. Николай Архиповның хатына мондый җавап килде:
Бу йорт 2008 елда капиталь ремонт программасында катнашкан, фасад, кайнар һәм салкын су белән тэмин итү, канализация, электр белән тәэмин итү челтәре ремонтланган. Ремонтлау программасында финанслау җитәрлек булмаганлыктан, калган эшләр башкарылмаган. Шунлыктан, йорт ремонтланып бетмәү программасына кертелде, ул средстволар бүлеп бирелү белән башкарылачак.
 Рауза Тастемирова Химиклар урамындагы 7 нче йорт подвалының антисанитар торышы турында язган иде.
Җавап: Химиклар урамының 7 нче йортында "Комфорт Успех+" ҖЧҖ хезмәткәрләре көче белән канализация системасындагы төзексезлек бетерелде, дератизацияләү эшләре башкарылды. Хәзер су акмый. Төзелеш чүп-чары подвал биналарын җыештыру графигы нигезендә чыгарылды.