Район башлыгы В.Чершинцев «Карпов концерны» ҖЧҖдә булды
Бу Россиядә тонерлар җитештерү буенча бердәнбер компания һәм ТОСЭР резидены статусында. Л.Карпов исемендәге химия заводы территориясендә урнашкан концернны Дамир Шәмсин җитәкли. Предприятие офис техникасында куллану өчен тонерлар җитештерәчәк.
Дамир Шәмсин Валерий Чершинцевка киләчәктәге планнар турында сөйләде – тонер җитештерү буенча дүрт линия ачылачак. Фаразланган җитештерү күләме – елына 1335 тонна, 80нән артык эш урыны булдырыла. Инвестицияләр күләме 327, 5 млн. сум.
– Хәзерге вакытта Кытайның Хэбэй провинциясеннән техник персонал технологик җиһазларны урнаштыру белән мәшгуль. Җиһазларны монтажлауны 2021 елның гыйнвар ахырына төгәлләү планлаштырыла, җитештерүне башлау язын булыр дип көтелә, – диде Дамир Рәфисович.
Следите за самым важным и интересным в Telegram-каналеТатмедиа
Нет комментариев