Районда 2021 елга планнар билгеләнде

«Безнең ишегалды» президент программасы буенча 15 ишегалдында эшләр дәвам итә, авыл җирлекләре территорияләре урамнарын яктырту, «Ушков утраулары» паркының бишенче чиратын гамәлгә ашыру күздә тотыла. 3 мәктәп, өлкәннәр һәм балалар шифаханәсе, хатын-кызлар консультациясе (фасад), стационар (җилләтү), район үзәк хастаханәсенең инфекцион бүлекчәсе, Ык Тамагындагы фельдшер-акушерлык пунктын капиталь ремонтлау планлаштырыла. Шулай ук Акътәҗектә ФАП төзелеше һәм Тойма елгасы агымын чистартуны тормышка ашыру эшләре каралган.