Россиядә 2 августтан 20 миллионнан артык бала мәктәп түләүләрен ала башлаячак

Бу хакта Россия Премьер-министры Михаил Мишустин «Россия 24» телеканалы трансляцияләгән РФ Хөкүмәте утырышында белдерде.

Элегрәк РФ Президенты Владимир Путин ата-аналарның яңа уку елы башлануга балаларны әзерләргә вакыты җитәрлек булсын өчен "мәктәп түләүләре"н иртәрәк башкару бурычын куйган иде.

Әлеге йөкләмәне тормышка ашыру өчен 204 млрд. сум акча бирелгән. Алты яшьтән алып 18 яшькә кадәр, шулай ук сәламәтлекләре чикле булган 18 яшьтән өлкәнрәкләр өчен 10 мең сум түләнәчәк.