Менделеевск яңалыклары
  • Рус Тат
  • Руль артында исерек – бәла чыгарыр кебек

    27 яшьлек менделеевлының үлемендә гаеплегә хөкем карары чыгарылды. Узган елның 29 июлендә көндезге 11 сәгатьләр тирәсендә Чаллы-Әгерҗе автоюлының 18 нче километрында 48 яшьлек авыл кешесе катнашында һәлакәт булды. Аның шаһитлары сөйләвенчә, ВАЗ-21093 маркалы автомобиль юлның әле бер, әле икенче ягына таба хәрәкәтләнеп, берничә тапкыр каршы полосага чыга. Каршыга килүче машиналар...

    27 яшьлек менделеевлының үлемендә гаеплегә хөкем карары чыгарылды.
    Узган елның 29 июлендә көндезге 11 сәгатьләр тирәсендә Чаллы-Әгерҗе автоюлының 18 нче километрында 48 яшьлек авыл кешесе катнашында һәлакәт булды. Аның шаһитлары сөйләвенчә, ВАЗ-21093 маркалы автомобиль юлның әле бер, әле икенче ягына таба хәрәкәтләнеп, берничә тапкыр каршы полосага чыга. Каршыга килүче машиналар могҗиза белән генә бәрелми калалар. Соңрак ачыкланганча, юл-транспорт һәлакәте вакытында руль артындагы кеше нык исерек хәлдә була. Ә исереккә "диңгез тубыктан". Аның өчен трасса бик тар булып тоела. Җиңел машина чираттагы тапкыр каршы полосага чыкканнан соң, заданиедән кайтучы газ службасы хезмәткәрләре утырган "Москвич"ка бәрелә. Яшь газ белгече шул урында һәлак була, 51 яшьлек Ш. Һәм 50 яшьлек О.ның сәламәтлегенә зыян килә.
    Г. РФ Җинаятьләр кодексының 264 нче маддәсе 2 нче өлешендә каралган җинаять - исерек килеш машина белән идарә итеп юл хәрәкәте кагыйдәләрен бозу һәм саксызлык нәтиҗәсендә сәламәтлеккә ныклы зыян салу һәм кеше үлеменә китерү кебек җинаять эшләүдә гаепле дип игълан ителә. Район суды авыл кешесен гаепле дип танып, аны өч ел ярымга колония-поселениегә озату турында карар чыгара. Хөкем ителүченең өч елга машина йөртү хокукы алынды. Суд карары законлы көченә керде.
    10 нчы колония поселениесе территориясендә юл хәрәкәте кагыйдәсен тупас бозгып һәлакәт чыгаруда гаепләнүче аның гаебе белән яшь кешенең гомере өзелгән трассаны хәзер һәр көнне күзәтә ала. Әлеге вакыйга руль артында алкоголь куллануның куркыныч икәнлеген кисәтер дип ышанабыз.
    Гүзәл Хәбибуллина, прокурор ярдәмчесе
    Роза Шәрәфиева, үз хәбәрчебез

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: