Щербаковларның сугышчан династиясе
Анатолий Щербаков, запастагы өлкән лейтенант Минем әтием - Тихоново авылында туган Гаврил Сергеевич, 1941 елда беренчеләрдән булып фронтка китә. Мин аның митингта чыгыш ясаганын гомерем буе истә тотам: "Бөек Ватаныбыз, Ленин һәм Сталин эше, коммунизмның җиңүе өчен көчебезне кызганмыйча һәм тормышыбызны аямыйча көрәшәчәкбез!" Ул вәгъдәсен үтәде, 1941 елда Мәскәү астында...
Анатолий Щербаков, запастагы өлкән лейтенант
Минем әтием - Тихоново авылында туган Гаврил Сергеевич, 1941 елда беренчеләрдән булып фронтка китә.
Мин аның митингта чыгыш ясаганын гомерем буе истә тотам: "Бөек Ватаныбыз, Ленин һәм Сталин эше, коммунизмның җиңүе өчен көчебезне кызганмыйча һәм тормышыбызны аямыйча көрәшәчәкбез!" Ул вәгъдәсен үтәде, 1941 елда Мәскәү астында һәлак булды. Без озак еллар күмелгән урынын белер өчен архивларга яздык, ләкин нәтиҗәсез.
Бервакыт, Мәскәүдә хезмәт командировкасында булганда, билгесез солдат һәйкәленә чәчәкләр салдым һәм бер хәрбинең улына әйткән сүзләрен ишеттем: "Биредә билгесез солдат буларак синең бабаң күмелгән". Шунда минем әтиемнең дә, Мәскәү астындагы сугышларда һәлак булган йөзләгән солдатлар кебек үк, бу кабердә күмелгәнлеген аңладым".
Өлкән абыем Дмитрий сугышның беренче елында үзе теләп фронтка китә. Иделдән Дунайга кадәр юл үтә, яралана, орденнар һәм медальләр белән бүләкләнә, шул исәптән Александр Невский ордены, Югары башкомандующий грамотасы белән. Үзенең сугышчан юлы турында "Иделдән Дунайга кадәр" дигән истәлекләр калдыра.
Абыем Алексей Тын океан флотында хезмәт итә, Кытайга, Һиндстанга, Вьетнамга хәрби походларда катнаша, Тын океан командующиеның Мактау грамотасы белән бүләкләнә.
Дунай флотилиясе составында бронетанкерда абыем Венедикт хезмәт итә. Янгын вакытында ул, тормышын куркыныч астына куеп, бронетанкерны коткара, җитди пешү яралары ала.
Мин (рәсемдә уңда) хезмәтемне Германиядә совет гаскәрләре составында үтәдем, зенит ракеталарын хәрби стартка әзерләүдә катнаштым. 1982 елда "Выстрел" Югары офицерлар курсын тәмамладым. Курсларның начальнигы ике тапкыр Советлар Союзы Герое Д.Драгунский иде.
Улларым Андрей һәм Константин династияне дәвам иттеләр. Пермь ракета гаскәрләренең югары команда-инженерлык училищесын тәмамладылар һәм стратегик билгеләнештәге Урал ракета дивизиясе составында хәрби кизү тору алып бардылар. Кораллы көчләр санын кыскартканнан соң, алар запаска чыктылар.
Оныгым Денис бик яхшы билгеләренә генә Эчке эшләр министрлыгы академиясен тәмамлады һәм Россия гражданнарын яклау буенча бурычын үти.
Абыемның улы Геннадий Венедиктович легендар тугызынчы рота составында десантчы булып хезмәт итте. 1983-84 елларда Әфганстанда сугышты, "Хәрби хезмәттәге фидакарьлеге өчен", "Рәхмәтле әфган халкыннан" медальләре белән бүләкләнде.
54 хәрби операциянең берсе аеруча исендә кала: "Исән калачагыбызны да белмичә, маңгайга-маңгай атакасына бардык. Бу - рус кешесенең, десантчының аерым күңел халәте". 345 нче десант полкы белән булачак оборона министры П.Грачев җитәкчелек итә. Ул полкта зур абруй казана, чөнки бөтен операцияләрне алдан уйлый һәм сугышчылар белән "тишекләрне капламый". Безнең тормышларны саклый һәм бәяли белде. Ул барында югалтулар да азрак иде".
Барлык запастагы солдатларны һәм офицерларны, хәзер хезмәт итүчеләрне Ватанны саклаучылар көне белән котлыйм, ныклы сәламәтлек, гаилә иминлеге телим.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84